Naputol sa Covid

Dear Papa Joe,

Good day ninyo diha. Just call me Kadyo, 37 anyos na pero ulitawo gihapon pero kadaghan na ko nakaagi og uyab. Karon ang akong latest kay naa sa Leyte ug tungod sa Covid, naputol ang among communication kay ang ila tua sa bukid ug kuno maka load didto. Di pa ma contact kay bukid lagi kaayo ang barangay.

Gwapa kaayo ang akong uyab, pero probinsyana kaayo og batasan. Grabe ka conservative kay bisan sa kamot, mananghid pa ko. But worth kaayo siya, Papa Joe. Ingon pa sa akong mga barkada, labaw pa ko nakadaug sa lotto kay tisay siya, buotan ug bisan taga bukid, educated. Pero unsaon man nako nga tungod sa Covid wa na mi magkita ug wa na mi communication.

Love ba kaha ko niya, Papa Joe? Nganong wa man siya mo exert og effort aron maka contact nako until karon?

Gimingaw na kog maayo niya. Kaluparon na ko sa Leyte kon mahimo pa lang.

KADYO

Kadyo,

Kon naa pa lang kay silhig nga molupad, imo na tingali nang gisakyan padung sa Leyte kay aron matambalan ang kamingaw. Agwanata lang na Kadyo kay kon wan a ang Covid-19, continue na man mo. Kana lagi kon wa pa sab kaha siya maminyo og dali didto tungod kay gilaay sa quarantine.

Ako pa nimo, mangita ka og way pinaagi sa Facebook pagpangita niya kay di imposible nga ang friend sa imong friend iya nga friend. Basin magkatagbo sa di lang nimo ma-expect nga adlaw ug higayon unya mao ang mo-relay ngadto niya nga ikaw gimingaw ug nangita niya kay gihidlaw na kaayo ka nga motan-aw ug mogakos niya. Ampo lang nag wa siya mahalin o matintal sa lain kay karon panahuna, tinglaay kaayo.

PAPA JOE