Aldridge gusto nga mobalik sa Portland

Nagduwa ang seven-time All-Star nga si LaMarcus Aldridge sa Portland sa naguna niyang siyam ka mga tuig sa National Basketball Association (NBA) ug andam siyang mobalik sa Trail Blazers aron tiwason ang iyang basketball career.

Si Aldridge, kinsa anaa na sa iyang ikalima nga season sa San Antonio Spurs, mahimo na nga free agent inig human sa 2020-21 season.

Kuntento man tuod ang 34 anyos nga si Aldridge sa iyang pagduwa sa Spurs apan gituohang mahaylo kini nga mobalik sa Trail Blazers aron makig-uban og balik kang AllStar guard Damian Lillard.

Hinuon andam ra sab si Aldridge nga humanon ang iyang career sa kampo sa Spurs.

"As I think about it, I think I would be cool with it ending in two places, either with San Antonio or in Portland," matod ni Aldridge. "I think either one would be fine with me. I feel like I've made some good memories in San Antonio. I feel like I'm in a really good family in San Antonio. They understand me. I understand them. So, I like that."

Ning puntoha, wala pa'y pinal nga desisyon si Aldridge kabahin niini.

"I feel I have a lot of history in Portland. So, going back there to finish would be fine also. I'm perfectly fine with finishing my career in San Antonio, riding it out until my next chapter, or if things have to change there, and if they decide to go young, then I wouldn't mind going to Portland," pasabot ni Aldridge.

Ang hugonhugon nga mobalik si Aldridge sa Trail Blazers nasugnoran dihang gipangutana si Lillard sa usa ka fan sa team chat session sa Twitter kon kinsa sa iyang kanhi kauban ang gusto niyang ibalik sa ilang puwersa.

"I'd add Lamarcus," tubag ni Lillard.

Si Aldridge maoy all-time leading rebounder (5,434) sa Portland ug Ikatulo kini sa scoring (12,562) sunod nila ni Lillard (14,586) ug Clyde Drexler (18,040).

Si Aldridge mibiya sa Trail Blazers human sa 2014-15 season aron motapon sa Spurs.

Sa iyang pagduwa sa Trail Blazers ug Spurs, si Aldridge nag-average og 19.5 puntos ug 8.3 rebounds sulod sa 1,003 ka mga duwa.