GILAS ANAA SA SAKTONG PREPARASYON: BALDWIN
Nagsubay sa tul-id nga dalan si Tab Baldwin ug ang Samahang Basketbol ng Pilipinas (SBP) kabahin sa ilang perparasyon alang sa 2023 Fiba Basketball World Cup diin co-host ang Pilipinas kauban ang Japan ug Indonesia.
Kon masunod ang tanan nilang plano, ang Pilipinas makahulma og dekalidad nga puwersa nga makaparang og insakto sa labing lig-ong teams sa kalibutan.
“In terms of experience we still will be (underdogs),” matod ni Baldwin sa Call to Arms podcast.
“But in terms of talent, size?
We should be able to be eye-toeye with the best in the world.”
Nagsugod ang pagpangandam sa nasod alang sa 2023 event sa sayong bahin ning tuiga dihang nagporma ang SBP og grupo sa mga magduduwa nga mokombati alang sa FIBA Asia Cup 2021.
Gilangkuban kini og dekalidad ug batan-ong mga magduduwa.
Bisan bag-o pa lang naporma ang team, nakapakita na kini og dakong potensyal dihang gipangmakmak niini ang Indonesia, 100-70, sa nag-inusara pa lang nga duwa sa first
window sa qualifiers.
Temporaryong nahunong ang mga kombati sa qualifiers gumikan sa pagkuyanap sa coronavirus disease (Covid-19).
Si TnT Katropa consultant Mark Dickel maoy naggiya sa team nga gipangulohan ni Kiefer Ravena, pambatong pointguard sa NLEX Road Warriors.
Si Baldwin, kinsa maoy program director sa Gilas Pilipinas, nipasabot nga gibaid nila’g sayo ang abilidad sa batan-ong mga magduduwa aron maandam na kini alang sa kombati sa 2023.
“Really, you have to develop a plan, you have to have integrity to that plan, and you have to keep working it, day after day after day, focusing on the future,” pasabot ni Baldwin,.
“While at the same time, understanding that the pressure of the present is real. And when the present is right in front of you, you have to do everything you can to perform to the best of your ability, knowing that the present is also part of the future.”
Nasayod si Baldwin nga daghan pa ang puwedeng mahitabo gikan karon hangtod sa 2023 hinungdan nga kinahanglan silang andam sa bisan unsa may masugatan sa ilang pagpangandam.
Kon buot hunahunaon, naapektuhan na og dako ang ilang pagpangandam tungod sa Covid-19.
Apan gitino ni Baldwin nga kinahanglan mangita sila’g paagi aron makabawi gikan niini.
Pangandoy sa SBP nga inig abot sa 2023 event, makarepresentar sa Pilipinas sila si June Mar Fajardo, Kai Sotto, AJ Edu, Troy Rosario, Kobe Paras, Carl Tamayo, Justin Baltazar ug usa ka naturalized player.
“That’s a frontline of eight guys, two of which should be able to play guard by that time -- Kobe and Troy. By 2023, they should be able to play the wing position if we train them properly,” matod ni Baldwin. Sa guard nga posisyon, giklaro ni Baldwin nga dili sila magproblema gumikan kay daghan kaayo silang kapilian.
“Then you go to the guard position, take your pick. We’re a country of guards, and I don’t think we’re gonna have any problems,” matod ni Baldwin.