FAJARDO NAA'Y LISTA SA SUNOD NGA PBA MVP

Adunay panahom ang Sugboanong higante nga si June Mar Fajardo kabahin sa kon kinsa ang mosunod kaniya isip MVP sa Philippine Basketball Association (PBA).

Ang pambatong sentro sa San Miguel Beermen maoy kanunay nga nag-ang kon ning maong pasidungog sa miaging unom ka mga tuig.

Apan ning higayuna, seguradong dili na kini masumpayan ni Fajardo gumikan kay nakasinati man kini og grabeng angol sa tiil nga magpadaplin kaniya, posible sa tibuok season.

Niadtong Marso 8 atol sa pagsugod sa 25th season, gidawat ni Fajardo ang iyang ikaunom nga sunodsunod nga sunodsunod ng MVP award nga nagsakay siya og scooter.

Nag-una sa listahan ni Fajardo nga mahimong sunod nga MVP mao sila si Fil-German Christian Standhardinger sa Northport Batang Pier ug Jayson Castro sa Talk N' Text Katropa.

"Christian (Standhardinger). May Jayson (Castro), kung makakalaro si Jayson buong season," matod ni Fajardo sa 2OT podcast.

Sila si Standhardinger ug Castro pareho ng nahisakop sa First Mythical Five sa miaging season diin naangkon ni Castro ang Best Player of the Conference sa Commissioner's Cup ug si Standhardinsa Governor's Cup.

Nagtuo si Fajardo nga aduna sab poruhan si Japeth Aguilar sa Brgy. Ginebra Gin Kings nga makaangkon sa MVP award.

Gawas kang Fajardo, nagtuo sab si Ginebra coach Tim Cone nga dako og poruhan si Aguilar nga mahimong MVP.

"The awards will take care of themselves if you're doing the day in, day out work, and Japeth is a worker. Japeth works," pasabot ni Cone.

Alang kang Fajardo, aduna pa'y laing duha ka mga magduduwa nga puwedeng makabira sa MVP award.

"Si New-new," matod ni Fajardo, kinsa nagtumbok kang Meralco Bolts swingman Chris Newsome. "Tapos si CJ (Perez). Maganda 'yung nilaro niya noong last conference eh."

Si Perez maoy pambato sa Columbian Dyip.

"Magaling siya," paghulagway ni Fajardo kang Perez.

"As in, 'yung hindi siya natatakot mag-take over."