Kapungot ni Crawford wala gihapon nawagtang

Bisan nagpadayon si World Boxing Organization (WBO) welterweight champion Terrence Crawford sa pag-training ning panahon sa krisis sa kahimsog, wala gihapon mawagtang ang iyang kapungot.

Usa man tuod si Crawford sa giingong labing maayong welterweight fighter sa kasamtangan apan wala gihapon natuman ang gipangandoy niyang mga away.

Mao kini ang hinungdan nga natamnan og kapungot ang balatian ni Crawford.

Sa interbyu sa ESPN, gipadayag ni Crawford ang iyang kasagmuyo nga wala nahitabo ang dugay na niyang gitinguha nga mao ang pagpakigbatok kang Filipino 8-division world champion Manny Pacquiao.

“One of the greatest skill sets of all time,” paghulagway ni Crawford kang Pacquiao. “For him to move up in so many divisions, and at the same time, he has dominated as he has in the past years. I've been trying to fight Pacquiao since 2015."

Batbat ni Crawford nga nahibulong na lang siya kon nganong wala siya mahatagi og oportunidad nga ikaharong ang Pambansang Kamao ng Pilipinas.

"Back when I was trying to fight them, they wouldn't fight me. But they were fighting guys like Brandon Rios and Jessie Vargas and Tim Bradley. So I don't know what it was, but I just think that they don't like my style or whatever the case may be," dugang ni Crawford.

Bisan nagdikit na si Pacquiao

sa pultahan sa pagretiro, interesado gihapon si Crawford nga ikaharong kini.

“He surprised a lot of people with the win over Keith Thurman,” batbat ni Crawford.

“A lot of people thought Keith Thurman was going to go in there and just knock him out. Pacquiao showed glimpses of the old Pacquiao that got him to the top.”

Gumikan kay wala niya ikasangka ang dakong mga pangalan sa iyang kasamtangan timbang, hayan wala sab mager kasuway si Crawford pagdawat og dakong premyo.

Gawas kang Pacquiao, puwede untang makakuha og dakong premyo si Crawford kon ikaparang niya sila si Errol Spence, Danny Garcia, Shawn Porter o kaha si Thurman.

Dala ang 37-0, 26KOs nga rekord, si Crawford nagkinahanglan modaog batok sa bisan kinsa sa mga nangahisgutan aron makaugbok siya'g kaugalingong niyang dako nga pangalan.

Apan hangtod ning puntoha, hanap lang gihapon ang posibilidad nga matuman ang gipangandoy niyang mga away.