FLOYD JR. MIBALIK NA OG ENSAYO
Mibalik na sa gym si Floyd Mayweather Jr. ug nag-ensayo kini dungan sa paghangop sa obligasyon isip trainer sa iyang Mayweather Gym sa Las Vegas, USA.
Bisan sa edad nga 43, nakitaan gihapon ang kanhi pound-for-pound champion og saktong abilidad.
Kini basi sa video nga gishare sa kanhi Mayweather Promotions fighter nga si Ashley Theophane sa social media.
Gihugonhugonan nga manugbalik og away ang five-division world champion karong tuiga sa higayon nga hingpit nang masumpo ang coronavirus disease (Covid-19).
Sa wala pa mikuyanap ang Covid-19 sa tibuok kalibutan, si Mayweather nipadayag nang daan sa iyang intensyon nga mosagubang og duha ka mga away karong tuiga.
Gituohan nga usa niini ang posibleng panagharong og balik nila ni Filipino boxing icon Manny Pacquiao.
Apan gumikan sa hulga sa Covid-19, nalubog ang tanang plano ni Mayweather.
Hinuon human sa kamatayon sa uyoan ug sa samtang higayon
trainer ni Mayweather nga si Roger Mayweather dili pa lang dugay, daw nadasig og balik ang wala'y pildeng boksidor nga magpakondisyon og balik alang sa posible niyang pagbalik og away.
Nag-ensayo kini og balik ug sa samang higayon, gitudloan sab niya og boksing ang iyang anak ug pagumangkon.
Gawas kang Pacquiao, nahisgutang sab posibleng makontra ni Mayweather sa iyang pagbalik mao ang karibal niining si Marcos Maidana alang sa ilang trilogy ning bag-uhay lang.
Ang posibleng trilogy nila ni Mayweather ug Maidana nadugkatan dihang giinterbyu sa World Boxing News si Jorge Cali, kinsa maoy makontra ni Maidana sa iyang pagbalik og away.
Si Cali, kinsa Nakatakda ng makigharong kang Maidana sa usa ka exhibition bout sa umaabot, nagtuo nga dako og poruhan nga modaog si Maidana kon ikaharong og balik niini si Mayweather sa ikatulong higayon.
Niadtong 2014, kaduha gipilde ni Mayweather si Maidana, tanan pinaagi sa desisyon.
“I think Maidana is already under 30 kilos from his previous weight. He has undoubtedly shown his desire to return to
matod ni Cali. “Maidana is still only 36 years old. He can definitely come back (to full-time professional boxing). He could even say, to improve his level. I know he would believe that if he had a new fight with Floyd, Marcos could win with no doubts this time.“
Gipasabot ni Cali nga tataw nga dumadaog si Maidana sa premirong away apan lahi lang ang nakita sa judges ug nakaespako si Mayweather pinaagi sa majority decision.
Gumikan kay kontrobersyal ang resulta sa premiro ng away, hayan napahigayon ang rematch diin midaog na sab si Mayweather pinaagi sa unanimous decision.