2 ka movie reporter nagsunod pagkamatay
MANILA– Masulob-on ako karon tungod kay duha ka movie reporter nga suod kanako ang sunudsunod nga napukan atol pa naman sa Enhanced Community Quarantine nga limitado ang lihok sa katawhan.
Unang namatay si KC Guererro niadtong April 17 ug nisunod si Alex Datu pag-April 21.
Si KC, entertainment editor sa Bomba ug Saksi. Naospital siya sa dire sa Manila gumikan sa heart attack bago mag-Covid pero nakagawas siya pipila ka adlaw bago mag-lockdown, nipauli kini sa Iloilo. Apan sa iyang ikaduhang atake sa Iloilo didto na siya namatay.
Si Alex Datu naman, usa ka freelance writer, siya ang may titulong "The Singing Reporter". Last year, nag-front act pa siya sa mall show sa Pinoy international singer nga si Nick Vera Perez sa SM City Cebu.
Heart attack sad ang gikamatay ni Alex nga napalgan nga patay sa iyang giabangang balay sa iyang landlady.
Sa Sampaloc nagpuyo si Alex nga usa ka Muslim. So, kinahanglang malubong dayon kinaugmaan. Nagtinabangay ang barangay ug ang Eurotv diin may programa si Alex (The Stage is Yours) ug kaigsuonang Muslim para madala siya sa Taguig ug didto ilubong.
Late '90s, usa ako sa Chika Reporter ni KC Guererro sa DZME sa programang Showbiz Tsikahan nga gipanag-iya kanhi ni Cong. Prospero Pichay. Listener namin si Alex ug ang DZME ang naghatag og dalan para mapasok ni Alex ang showbiz. Late na siya napunta sa showbiz kay nag-Saudi pa siya. Gipanganak siya sa Pagadian.
Sa dihang namatay si KC, buhos sa social media ang mga pakikiramay ilabi na sa mga bag-ong reporter and vloggers. Nagkahiusa sila sa pagsasabi nga buotan kaayo si KC ilabi na sa mga bag-o pa lang sa industriya.
Si Alex naman, di ko makalimtan kung motambong siya og showbiz parties, kanunay siyang may andam nga minus one in case may mag-request nga pakantahon siya. Lisod palandungon nga ang imong duha ka suod nga kaubanan sa buhat, wa mo makita sa ilang uwahing adlaw sa kalibutan.
Pait kaayo nga mamatyan ko og mahal sa kinabuhi karong panahona. Ang bana sa akong kababayan nga si Zeny Refe nga si Kuya Dikoy nakabilar karon sa Tajuna Funeral dire lang sa Batasan Hills pero mahigpit ang Tajuna, ang pwedeng makadalaw lang sila si Zeny ug ang ilang duha ka anak before siya i-cremate.
May their souls rest in peace.