I want to be in love

Morag mihunong ang pagtuyok sa kalibotan sa akong kaugalingon. Nagsagol gyud ang kakulba ug kahinam nga akong gibati.

“A-Al, milagro man nga nanawag ka? First time pa ning imong gibuhat?”

Wa ko kalikayi nga mopatigbabaw sa akong tingog ang nindot kong feeling.

“It’s about time, Kathy, nga magkaestoryahay ta sa selpon.”

Wa dayon ko makatubag. Nadungog

ko na gyud for the first time ang tingog sa akong textmate. “Hello, Kathy! Naa pa ka diha?” “Ha?” Nakalitan ko. “Dia pa ko, Al, naminaw nimo.”

“Puyde na man tingaling maningil sa imong desisyon, Kath?”

Nakapangawot ko sa akong ulo. Hilom kong naka-smile. Unya miyangu-yango ko.

“Well, moabot ta diha, Al, kon mamista ka nako.”

“Wa nay problema, Kathy. Tomorrow evening moaanha ko sa inyo.”

“Sige, huwaton tika.”

“How sweet you are, Kathy.” “Ingon ko ani, Al, kon gusto nako nga pamisitahan kog laki. You know, ikaw pa ang giingnan nako ani. Ang uban, basted dayon ang akong isugat nila.” “So, love sab ko nimo, Kath?” Nahikatawa ko. “Kadalian sab nimo, Al. Ugma sa gabii makahibawo ka na sa akong desisyon.”

Dugay ang among pag-estorya ni Al sa selpon. Hangtod nga nahunong kini kay na-lowbat ko. Sa ako nang paghigda, hilom kong nakapahiyom. “Bilyakong tawhana.” Hilom kong nakaingon. Hingpit nga natubag ang akong pangutana sa akong kaugalingon kon nganong nakahibawo si Al sa akong number sa selpon. Bisag unsaon ko siya sa pagpangutana di gyud motug-an. Igo lang moingon nga dunay naghatag niya sa akong number.

Apan karon, natubag na ang mao kong pangutana sa akong kaugalingon.

Pagka ugma sa gabii, di si Al ang namisita nako, kondi si Sol. Nindot kaayo siyag smile samtang nag-atubang mig lingkod sa among sala.

“Ikaw, ha, Sol, gilisud-lisod mo lang gyud ang kaugalingon natong duha. Gipahinam gyud ko nimo pag-ayo.”

“I love you, Kathy.”

“I love you, too, Sol. Aw, Al diay.” Nagkinataw-anay mi si Sol.

(KATAPUSAN)