Naproblema sa kwarta

Dear Noy Kulas,

Maayong adlaw nimo diha. Nagkapait na ron ang akong sitwasyon tungod sa quarantine. Tulo na ko ka tuig nga nabiyuda ug duna koy duh aka mga anak nga nag-eskwela pa. Ako ang nagbuhi sa akong mga anak, pero kay wa mi maapil sa exemption, naundang ko sa akong trabaho.

Karon napugos ko og pangayo og tabang sa akong uyab nga nagsige pa og work kay frontliner. Pero di makasapar sa among needs sa akong mga anak kay di pud kaayo dako ang iyang sweldo.

Karon kay naa ra lagi ko sa balay, nagkalingaw ko og chat og mga foreigner. Nakauyab ko og duha nga willing mohatag nako og kwarta pero in exchange lagi sa nga mag video mi sa among self nga hubo tanan. Pareho ra sila og request nako pero nibalibad ko. Ang usa willing nga mopadala og regular nga sustento ug naka send na siya og kaduha nako. Unsa ang iyang saad, iyang tumanon.

Polite ni ang usa ug willing siya makigminyo nako, pero mao lagi, gusto niya magkitaay sa video nga mao na. Wa pa ko mosugot pero maorag kasugtunon na kaayo ko. Unsa kahay akong buhaton?

Akon a lang kaha ning uyonan ang usa total wa may mawala nako, di ba,Noy Kulas?

MELDS

Melds,

Pagbantay lang sa mga foreigner kay basin gipan-an ka lang ana. Labina kanang usa nga imong giingon nga polite ug kaduha na nakapadala nimo. Kay basin gipakompyansa ka lang ana niya, unya dautan diay og tuyo. Daghan na ang nabitik ana. Naa gani uban mga Pinoy ra diay unya nangilad lang. Igo rang gipan-an, apan nalit-ag na.

Suora nang mao nga foreigner while biyai ang usa. Kon magkasuod ug magkaila mo og maayo, ingna siya nga mas maayong moari una siya sa Pilipinas un aka pa mosugot sa iyang gibuhat. Nasayod man kaha na siya sa imong estado? Kon tinuod siyang dunay maayong intension nimo, iya nang buhaton. Makahuwat ra siya sama sa ubang mga foreigner nga nangasawa og Pinay.

Nakasabot ko sa imong needs, apan ayaw sab anang kapit ka na lang sa patalim sa sanglitanan pa. It’s not the end of the world alang nimo. Daghan ka pa og mahimo. Pangita og diskarte aron duna kay additional income karong panahuna. Way easy money karon.

NOY KULAS