Bea, John Lloyd unsay real score?
Init karon ang topic bahin nilang Bea Alonzo ug John Lloyd Cruz, bisan naka-quarantine ang tanan.
Dugay na natong wala makita ang ilang loveteam isip Popoy ug Bashia sa pelikulang "One More Chance" ug "Second Chance". Katapusan silang nakita niadtong Valentines Day sa dihang gitagaan nilag kinabuhi ang indie film nga "That Thing Called Tadhana" pinaagi sa usa ka live script reading.
Mao sab kini ang unang higayon nga nakita si John Lloyd human kini nag-lie low sa showbiz.
Karon nga nibalik kini sa limelight human natapos ang ilang relasyon ni Ellen Adarna daghan ang naghugon-hugon sa balik-tambalan nila nii Bea.
Misamot ang mga espekulasyon sa dihang may mga nanggawas nga duna silay pelikula ubos sa kolaborasyon nilang direk Antoinette Jadaone ug direk Dan Villegas. Dakong kalipay kini sa ilang mga supporter taliwala ining krisis nga nahitabo aduna silay paabuton sa ilang mga idolo.
Samtang nagluto usab si Bea Alonzo para sa mga medical frontliners. Iya yud nga gipangunayan og luto para usab nga makahatag ug gamayng kalipay sa mga tawo nga maoy nag-atubang pagbantay ug pagatiman sa tanan sa pandemia nga nahitabo karon.
Sama usab ni Judy Ann Santos-Agoncillo nga mihatag usab og mga pagkaon sa atong frontliners.
Ug kon unsay makita sa iyang YouTube channel gidonar usab kini ni Juday sa mga frontliner.
Naa sad silay pahimangno nga dili lang ang physical ang atong atimanon, tagaan sab natog pagtagad ang atong mental health. Mag-amping, mag-ampo ug magpuyo tang tanan sa atong mga panimalay .... ay'g saba!