ECQ US-USAN NI DUTERTE

HIMUONG COMMUNITY QUARANTINE; SOCIAL DISTANCING, MASK NAA GIHAPON

Us-usan ni Presidente Rodrigo Duterte ang enhanced community quarantine (ECQ) ngadto na sa modified community quarantine sa di madugay.

“We might open partially... You wait for the...lalabas na ho... modified ang, ano natin, quarantine,” matod ni Duterte sa iyang gabii na kaayo nga pagpamulong sa nasod human sa iyang tigom tali sa pipila ka mga sakop sa Inter-Agency Task Force for the Management of Emerging Infectious Diseases.

Unang lugakan sa mga ginadili ang mga sector diin ang social ug physical distancing posible. “Kaya modified muna kasi kung magsiksikan kayo d’yan sa LRT na naman, wala nang katapusan ang problema natin. It will never end and it will bring us down and down,” siya nidugang. Siya niingon nga ang pagbutang og sayo sa kaulohan sa lockdown maoy nakaingon nga padayong naa ang nasod sa iyang international credit rating. “Yung iba kasi, late nag-lockdown. Yung iba, kung ano pa. Tayo, sunod kaagad sa batas,” siya nagkanayon. Sa miaging semana, si Duterte

nipahibawo sa padayong pagpailawom sa National Capital regions, apil na sa 24 ka mga lalawigan ug duh aka mga siyudad ubos sa enhanced community quarantine (ECQ). Lakip sa gipaubos sa ECQ ang Lalawigan ug Dakbayan sa Sugbo.

Si Labella niluwat na og bagong ECQ sa Martes, Abril 28, 2020, nga nag-uswag sa ECQ ngadto sa Mayo 15. (Basaha lahi nga estorya sa pahina 3).

Niingon hinuon ang mayor nga mahimong iyang libkason og mas sayo pa ang ECQ basta mominos o di na modaghan pa

ang mga kaso sa coronavirus disease sa dakbayan sa Sugbo. PASIDUNGOG

Si Duterte nipasidungog sa kasundaluhan, labina niadtong nangaangol o nangamatay sa nagpadayong pagpangatake sa mga rebeldeng komunista.

Iya usab nga gipasidunggan ang military nga maoy nagdala sa personal protective equipment, testing equipment alang sa novel coronavirus, ug ubang mahinungdanon nga mga galamiton alang sa panglawas. “Naawa ako sa kanila. Kulang sa tulog, hindi sapat sa sahod, pero that is how it is. Pumasok tayo d’yan, magtiis tayo,” siya niingon. /

/ SUNNEX ■ USBON: Sa iyang pagpamulong sa nasod nga gipaagi sa sibya sa telebisyon niadtong Lunes sa gabii, si Presidente Rodrigo Duterte niingon nga iyang lugakan ang enhance community quarantine (ECQ) ngadto sa community quarantine. Apan hugot gihapon ang pagpatuman sa ilatid nga mga lagda.