1 patay sa Covid-19 sa probinsiya

Bisan dunay usa nga namatay sa coronavirus disease 2019 (Covid-19) sa probinsiya sa Suigbo, dili lang maalarma ang katawhan.

Ning pagpanghasi sa Covid-19, ang Sugbo maoy labing ubos sa talaan nga dunay upat ra ka mga kaso.

Ang namatay mao ang 17 anyos nga taga Barangay Gualupe, dakbayan sa Carcar ug nag-dialysis tungod sa sakit sa kidney.

Gawas niini, hugot kaayo ang seguridad sa probinsya sa Sugbo batok sa Covid-19 mao nga minos gayud kaayo ang nagkasakit.

Kon sa basketball pa mora og depensa ni kanhi NBA Super Star Denis Rodman ang gi-apply nga depensa ni Gobernador Gwen Garci batok sa virus.

Hugot man sab ang seguridad nga gisagop ni Mayor Apura

sa Carcar City. Duna lang gayud sakit ang bata mao nga nakabsan sa iyang kinabuhi.

Ang history sa sakit sa bata. Mao iyang pagka-admit sa Vicente Sotto Memorial Medical Center (VSMMC) niadtong Abril 23,2020.

Napahigayon na ang contact tracing niadtong mga tawo nga nakapaduol kon nakahugoyhugoy sa namatay.

Samtang sa pagsuwat niining balita gisuwayan og contact sa Agila si Liloan Mayor Cristina Garcia Frasco, Presidente sa Liga sa mga mayor sa kalungsoran apan di makontak ang iyang cellphone.

Samtang, si Bise Mayor Aljun Diamante sa lungsod sa Tuburan, Sugbo, kanhi LMP president mipadangat sa iyang pahasubo.

Miingon si Diamante sa akong interview ilang gisunod ang kamandoan ni Gobernador Garcia pinaagi sa executive order.

Mao sab ang sentimento ni Boljoon Mayor Merlou Derama sa samang interview ang pagpadangat og pahasubo sa kabanay sa namatay sa Covid-19 nga taga Carcar City.

Saludo si Derama sa pamaagi nga gipatuman sa Gobernador Garcia sa kampanya batok sa Coronavirus.

Sama sab ka hugot ang iyang pagpatuman sa lungsod sa Boljoon, nagpadayon ang ilang pagpanghatag og tabang sa katawhan nga affected sa Covid-19.

Saludo si Derama sa kakugi sa gobernador mao nga iyang gisuportaan sama sa gihimong pagbisita sa mga border sa iyang lungsod.