CASIMERO ADUNAY
LAIN NGA KONTRA
Nakakita na og laing kontra si Top Rank boss Bob Arum alang kang World Boxing Organization (WBO) bantamweight champion Filipino Johnriel Casimero.
Ang gitawag og Quadro Alas gikatakda untang makig-away kang Japanese Naoya "Monster" Inoue niadtong Abril 25, 2020 sa Las Vegas alang sa usa ka world unification bout apan nauswag kini sa wala pa matino nga petsa tungod sa pagkuyanap sa coronavirus
disease 2019 (Covid-19).
Plano unta ni Arum nga idayon ang away nila ni Casimero ug Inoue nga wala'y tawo nga patan-awon sulod sa venue aron paglikay nga mokatap ang Covid-19.
Apan naglisod si Arum gumikan kay naglagyo ang duha ka mga boksidor.
Si Casimero, kinsa lumad nga taga Ormoc City, Philippines, nagpabilin sa Las Vegas samtang nakauli si Inoue sa Japan hinungdan nga nakadesisyon ang beteranong promoter nga ipadaplin lang una ang gikaintapan nilang panagharong.
Aron dili matay-an ang abilidad ni Casimero, gipangitaan kini ni Arum og lain kontra nga naa ra sa sulod sa Amerika.
Matod ni Arum nga iyang kuhaon si Joshua Greer aron iparang kang Casimero.
Aduna unta laing umaabot nga away si Greer apan nakanselar sab kini tungod sa Covid-19.
“We’re talking about for [Casimero] is Joshua Greer, our kid from Chicago,” asoy ni Arum sa interbyu sa BoxingScene.com.
“He was gonna fight Jason Moloney, so we could have him fight Casimero. That’s a good, competitive fight.”
Si Casimero adunay 29-4, 20KOs nga rekord samtang si Greer naggunit oig 22-1-1, 12KOs nga baraha.
Ang Greer-Maloney fight mao unta ang top supporting bout sa Casimero-Inoue main event.
Dili pa lang dugay, si Greer nipadayag sa iyang intensyon nga makig-away kang Inoue apan wala kini nahitabo.
Hinuon, puwede ng gamiton ni Greer nga taytayan ang iyang away ni Casimero paingon ngadto kang Inoue. Si Greer maoy No. 1 contender sa bakus ni Casimero.
“From the looks of things, it’s a good fight with Casimero,” matod ni Greer.
“Casimero is an unpredictable, wild guy, very unpredictable. It’s a good matchup."