MGA RESIDENTE MIHUGPA SA MANDAUE CITY HALL
Atol sa pagpang apod-apod sa Mandaue City Treasurer’s Office sa Social Amelioration Program (SAP) package sa tag-P6,000, pipila sa mga residente sa Barangay Subangdaku ang mihugpa sa city hall.
Samtang si Lapu-Lapu City Mayor Junard Chan mohangyo ngadto sa nasudnong kagamhanan nga kadugangan ang benepisaryo nga makadawat sa tag-P6,000 nga hinabang sa Department of Social Welfare and Development.
Hinungdan sa pagsulong sa mga residente sa Mandaue City Hall aron sa pagkuwestiyon og nganong wa sila makalip sa mga benepisaryo nga makadawat sa maong ayuda.
Usa na niini si Nancy Diongson, 42, adunay tulo ka mga anak, taga-barangay Subangdaku, Mandaue ang nakurat og nganong wa siya malakip sa listahan sa makadawat.
Saysay ni Diongson ngadto sa SunStar Cebu nga siya ug ang iyang bana nahunong sa trabaho sukad niadtong Marso sa dihang gipatuman sa Enhanced Community Quarantine (ECQ).
Miadto siya sa barangay aron pangutan-on ngano nga wala sila maapil apan gipasa sila sa Department of Social Welfare and Services (DSWD).
Pagkahuman niini, gisultihan siya sa DSWD nga mangayo og tabang ngadto sa Department of Labor and Employment (Dole) sanglit siya usa ka trabahante.
Apan, giingnan siya sa iyang agency nga gisumite na nila ang ilang aplikasyon sa Dole apan gibalibaran kini tungod kay gisira na sa Dole ang aplikasyon.
GIPAMOLITIKA?
"Ingon usab sila ang mga trabahante nga wala maapil, kini karon nga mga mga nalakip nga mga trabahante katong mga duol sa dughan sa purok nga pamuno. Mahimong patas ang tanan," ingon ni Diongson.
Si Cherry Rose Olegario, 23, nga adunay upat ka tuig ug laing pito pa ka buwan nga anak ug kanhi barista sa milktea shop apang naundang sa trabaho.
Asoy ni Olegario nga nanghinaot siya nga malakip sa listahan kay wan a siyay ikapakaon ngadto sa iyang mga anak.
“Asa naman lang ko ani. Naa pa koy anak nga nagtotoy. Asa man ko ipalit og gatas. Ang SAP ra unta akong gilauman," emosyonal nga si Olegario.
Ang presidente sa Association of Barangay Council (ABC) Ernie Manatad mipasabot nga nga adunay 1,354 nga mga benepisyaryo ang nakapasar sa validation gikan sa 1,600 nga mga benepisaryo nga ilang gi-endorso.
Giklaro ni Manatad nga wala'y pamolitika sa paglista sa mga benepisyaryo sa SAP.
Gani gitahasan nila ang mga purok leader nga boluntaryo lang ug wala nagtrabaho sa gobyerno tungod sila ang mas nakaila sa angay nga mahatagan sa SAP.
Dugang pa sa opisyal nga una na nilang gipahibawo ang listahan sa mga beneficiary pinaagi sap ag-post sa niini sa ilang Facebook page aron nga kadtong uban nga residente nga sa ilang tan-aw nga dili angayang malakip, mamahimo silang maka-protesta.
Nakadawat siya og mga ngalan ug ipasa kini ni Manatad ngadto sa DSWD aron sa panahon sa pag-apod-apod sa DSWD pangutan-on ang maong beneficiary aron i-kompirma ang mga alegasyon.
LAPU-LAPU MAGPADUGANG
Sa laing bahin, si Mayor Chan sa Lapu-Lapu suway nga mihangyo sa national government nga kadugangan ang mahatagan nga mga benepisaryo sa dakbayan.
Sa 155,000 ka mga pamilya sa Lapu-Lapu aduna lay 66,000 ang kuwalipikado nga makadawat sa SAP.
Sa 66,000 ka pamilya 6,000 niini ang miyembro sa Pantawid Pamilyang Pilipino Program 4P's, samtang 11,000 usab ang benepisyaryo sa Unconditional Cash Transfer UCT.
Moabot usab sa 2,000 ang senior citizens nga nagdawat ug binuwan nga cash assistance sa dakbayan.
So moabot na lang sa 46,000 ang mahimong makadawat sa SAP sumala pa sa mayor.
Giingong misuwat na si Chan sa nasundong kagamhanan niadtong Abril 13 mahitungod sa pagdugang unta sa alokasyon sa ilang SAP beneficiaries apan giingong wala pa gayud makadawat ug positibong tubag.
"Ang nahabiling nga 89,000 ang makalulooy nga dili maka-avail sa maong programa, ug sayod ako nga daghan niining 89,000 nga kwalipikado pero dili kadawat tungod sa limitasyon sa budget gikan sa national government,” matod ni Chan.
Niadtong Sabado Mayo 2 nagsugod ug apod-apod ang kagamhanan sa SAP ngadto sa isla sa Olango ug kasikbit nga mga islet barangay ug natapos kini nga walay kakulian. Natuman ang pagpatuman sa social distancing ug walay gubot nga nahitabo sumala pa ni Chan.
Nanghinaot si Chan nga ang mga Oponganon sa mainland mao usab ang pagabuhaton.
Sa Mayo 3 hangtod Mayo 5 ang kagamhanan sa dakbayan mopahigayon ug verification sa mga SAP beneificiaries sa mainland.
Sa Mayo 6 hangtod Mayo 9 mao na ang pag apod-apod usab sa SAP sa mainland.
“Mangayo lang pud ako og pasensiya ug dispensa sa uban natong kaigsuonan nga nagrequest og mga hinabang, partikular na ang gatas sa inyong mga anak, tambal sa mga senior citizen, ug uban pa, kay dili nato maato ang tanan. Pero maningkamot ako nga kamong tanan maserbisyohan,” pagpasabot ni Chan. /