Yulo padayon sa pag-ensayo

Nagkanayon si Filipino gymnast Carlos Edriel Yulo nga pahimuslan niya ang pagkauswag sa Tokyo Olympics pinaagi sa pag-ensayo pa og maayo aron mas molambo ang iyang abilidad.

Si Yulo, 20, mikulit og kasaysayan dihang nakadaog siya og gold medal sa floor exercise event sa 2019 World Artistic Gymnastics Championship sa Stuttgart, Germany.

Nakaabante sab siya sa allaround event nga nagpaseguro sa iyang kuwalipikasyon sa Tokyo Olympics.

Human sa iyang dominasyon sa 30th Southeast Asian Games niadtong Disyembre sa miaging tuig, gilauman nga makabira og medalya si Yulo sa Tokyo Olympics.

Ang matag upat ka mga tuig nga kompetisyon orihinal untang pagasugdan sa ulahing bahin karong Hulyo ning tuiga apan nauswag kini gumikan sa pagkuyanap sa coronavirus disease 2019 (Covid-19).

"I was very disappointed when they postponed the Olympics. I was disappointed, and my heart broke, because I knew Caloy could have done it. He was at his peak," matod ni Cythia Carreon, president sa Gymnastics Association of the Philippines, sa interbyu sa www.abs-cbnnews.com.

"But then, we sat down and discussed, and he said, 'Don't worry, ma'am. We will train better, and have more skills."

Si Yulo, kinsa kasamtangang nagbasi sa Tokyo, mihatag og kaseguroan nga dili siya magpasagad, naa siya sa maayong kahimtang ug himsog.

Gipasabot ni Yulo nga padayon siyang nag-training bairon pa'g samot ang iyang abilidad.

Si Yulo nag-training sa Tokyo gikan pa niadtong 2016.

Giklaro ni Yulo nga nakatutok ang iyang atensyon sa iyang tinguha nga mahimong labing unang makahatag og Olympic Gold medal sa Pilipinas.