HALIGI SA PBA MOSUPORTA SA PILIPINAS
Mipasalig ang business tycoon ug usa sa mga haligi sa Philippine Basketball Association (PBA) nga si Manny V. Pangilinan nga mohatag og kinatibuk-ang suporta ngadto sa gobiyerno alang sa maayong kaugmaon sa Pilipinas.
Dili ikalimod nga nagkinahanglan og dakong suporta ang gobiyerno hilabi na ning pagkuyanap sa coronavirus
disease 2019 (Covid-19) nga nanghatag og dakong problema sa tibuok kalibutan.
"We are, and have always been here, for the country,"
matod ni Pangilinan nga napatik sa www.pba.ph.
Sa iyang address to the nation kagahapon, ang presidente sa nasod nga si Rodrigo Duterte nibuhi og maayong mga pulong alang kang Pangilinan.
Si Pangilinan, kinsa maoy tag-iya sa tulo ka teams sa PBA nga mao ang Talk N' Text KaTropa, NLEX Road Warriors ug Meralco Bolts, nagpasalamat og dakong kang Duterte.
"'Yung masasakit kong salita to Ayala, si Pangilinan, I apologize for the hurtful words. I hope you find it in your heart to forgive me," matod ni
Duterte sa iyang pre-recorded televised address.
"I can promise you I'll be nice. If you want to see me, we can talk."
Nagpasalamat si Duterte sa dakong tabang nga gitunol sa dagkong mga negusyante sa nasod lakip na si Pangilinan ngadto sa gobiyerno sa padayong pagpakigbatok niini sa makalilisang nga Covid-19.
Nagkanayon si Pangilinan nga gihangop niya ang sinseridad ug pagkamaayo ni Duterte.
"I would like to thank the President for his remarks, most especially for his sincerity and kindness," batbat ni Pangilinan.
Gipasalig ni Pangilinan nga dili motalikod ang iyang MVP Group of Companies kang Duterte hilabi na ning panahon sa krisis sa kahimsog.
"I wish to assure him that our Group is fully committed to being a partner of government in addressing the heartbreaking moments of COVID-19 on our people, (and) in building a better tomorrow for them," pasalig ni Pangilinan.
Sa wala pa ningkuyanap ang Covid-19, si Duterte misaway sa Ayalas-Zobels ug ni Pangilinan nga "anti-people. ""Naubos na po pagka-suplado ko dahil sa COVID. The COVID humbled me," dugang ni Duterte.