Remember me
Dali kong gitubag si Rene. Sa akong paminaw sa akong gibati niadtong tungora, morag ako ang labing suwerte nga babaye sa tibuok kalibotan. “Ren, salamat nga mitawag ka.”
“Tungod sa akong love nimo, Laila. Angay nga makahibawo ka nga way kamatayon ang akong paghigugma nimo. Forgive me kon napasakitan tika.”
“Oo, napasakitan ko nimo pero karon, miawas sa akong kasingkasing ang kalipay nga
gihatag mo nako tungod aning pagtawag mo nako. I missed you so much, Rene.”
Gusto kong mohilak tungod sa kalipay. Apan nagpugong lang ko sa akong kaugalingon kay mosamot nga mahimo kong korni. Sa akong mga dialogue karon, nahimo na kong korni tungod sa dako kong pagmahal kang Rene.
Ug nabatyagan ko sab nga nahimo nga korni ang mga sinultihan karon ni Rene. Naka-smile ko. Makakorni gyud diay ang true love.
“Di ko mahimutang, Lalila. Di ko makatulog kay gusto tikang makita.”
“Mao sab nay akong gibati karon, Ren. Hain ka man karon?” “Dia ko sa gawas sa inyong gate.”
“Ha?”
Unya kalit kong migawas sa akong kuwarto. Nagdagan kong migawas sa among balay. Ug nakita ko si Rene nga nagtindog tuod sa gawas sa among gate. Nagdali kong giablihan ang among gate. Unya nagginaksanay mi si Rene.
“Na-miss kaayo tika, Ren.” “Gimingaw sab kaayo ko nimo, Laila.”
Daling nagkadapat ang among mga lips ni Rene. Mikabyon ko sa iyang liog samtang hugot siyang naggakos nako. Dugay gyud ang among gibuhat.
“Kinsa may nag-ingon nimo nga nakagawas na ko sa ospital, Ren?”
Nagkuptanay mi sa kamot si Rene nga mibiyas gate dihang nakahuman na mig pahungaw sa tagsa-tagsa ka kamingaw nga among gibati.
“Wa, Laila. Sukad pa sa imong pagka ospital, kanunay na kong naa duol nimo nimo aron ipakita ko ang kadako sa akong paghigugma nimo.”
“I-Ikaw tong frontliner nga nag-asikaso nako?”
Wa ko na huwata nga motubag si Rene, gigakos ko na sab siya ug didto sa gawas sa pultahan sa among balay, nakita ko si Mama nga malipayong nagtan-aw namo ni Rene.
(KATAPUSAN)