MPBL determinado nga mopadayon

Taliwala sa dakong problema nga giatubang sa Maharlika Pilipinas Basketball League (MPBL), determinado ang liga nga mopadayon.

Grabe na ang gihatag nga kahasol sa coronavirus disease 2019 (Covid-19) unya nadugangan pa ang kalabaryo sa MPBL human sa pag-sign off sa ilang TV partner nga mao ang ABS-CBN.

“May ilang teams na nagpadala na ng feeler na magte-take ng leave of absence next season," matod ni Commissioner Kenneth Duremdes sa Spin. PH.

Giklaro ni Duremdes nga nakasabot siya sa sitwasyon sa team owners ning panahuna hinungdan nga nangita na og maayong opsyon ang executives sa liga.

"Napaka-importante nating malaman kung kaya pa ba ng team owners magpatakbo ng team, kapag makita ng league na wala talaga, we might cancel the season."

Ang Lakan season anaa pa sa conference stage dihang nahunong ang mga duwa sa liga.

Dili sama sa Philippine Basketball Association (PBA) nga ang labing dagkong mga kompanya sa nasod ang nanag-iya og teams, ang tag-iya og teas sa MPBL naa sa kasarangan.

Hinuon malaumon si Duremdes nga matiwas ra ang Lakan season sa higayon nga mobahar na ang hulga Covid-19.

Abli sa Duremdes sa ideya nga ipahigayon ang playoffs nga wala'y tawo nga patan-awan.

"Kung i-allow tayo to finish the Lakan Season with the restriction of no fans allowed, yes. Four teams na lang yan, definitely kailangan na natin ito tapusin," pasabot ni Duremdes.

Alang sa sunod season, matod ni Duremdes nga plano nilang limitahan lang na ang mga duwa.

Magparang lang ang teams sa North hasta ang teams sa South.

Ang mopatigbabaw sa North ug South mao ang magabot lang sa national finals.

We will limit the games at magkakaroon tayo ng sariling tournament lang ng South at sariling tournament alone ng North division. Hindi na sila magcro-crossover," pasabot ni Duremdes.

"Magkikita na lang yung champion ng North at South sa National Finals. In that way, malilimit natin yung games."