Holyfield gustong mokontra ni Tyson
Nagtinguha si Evander Holy field nga maoy mokontra ni Mike Tyson sa usa ka exhibition boxing charity match
nga giulohan og "Unite 4 Our Fight."
Si Tyson, kinsa kanhi undisputed world heavyweight champion, maoy unang nagplano ning maong charity bout.
Nag-post og video si Tyson sa
social media nga nagpakita nga nibalik na siya sa pag-training alang sa iyang intensyon.
Tinguha ni Tyson nga makatigom og pundo aron ihatag nga hinabang sa uyamot nga mga pamilya ug sa sama niyang kanhi nagumon sa ginadili ng drugs.
Human nakita ni Holyfield ang video, mitumaw ang iyang interes nga maoy makigharong kang Tyson. Tinguha ni Holyfield nga makatigom sab og pundo aron itabang niya sa uyamot nga mga bata.
“I’ve already done what I
wanted to do in my career, and have been the best that I could be. If it wasn’t for charity, I wouldn’t fight Tyson,” asoy ni Holyfield sa interbyu sa BoxingScene.com.
“I don’t look at it as being a winner in this fight. This is a charity event helping our foundations. The thing is knowing what you’re doing it for.”
Kaduha na nag-away sila si Holyfield ug Tyson kaniadto.
Gilupig ni Holyfield si Tyson niadtong 1996 pinaagi sa 11th round TKO.
Pagkasunod tuig, midaog si Holyfield pinaagi sa disqualification gumikan kay gipaak ni Tyson ang iyang dunggan.
Adunay tipik sa dunggan ni Holyfield ang natangtang ning maong away nga nabantog nga "Fight Bite."
“I’m not afraid of [Tyson] or anything like that, as long as it works for both of us [financially]. I wouldn’t ask for him to do it if he didn’t want to. He’d have to ask me. It’s like being the bully, I already beat him twice," dugang ni Holyfield.
Kon scripted man gani ang ilang posibleng exhibition bout, matod ni Holyfield nga andam siyang mobawos og paak sa dunggan ni Tyson.
Hinuon iyang giklaro nga dili kini tinud-anay ug aron lang malingaw ang mga tumatan-aw.
Gipasabot ni Holyfield nga kanunay siyang nag-ensayo hinungdan nga naa gihapon siya sa saktong kondisyon bisan nag-edad na siya og 57.
“When people see me and my condition today, they still go ‘wow,’” batbat ni Holyfield.
“I take care of my body. I’m always in shape. I never stop training. I’ve been doing this my whole life ever since I was 8 years old. I don’t have any bad habits. I lived a clean life.” / ESL