Mr. QuaranTEEN Ambassador 2020
Sa unang higayon tungod sa pagpatuman sa enhanced community quarantine (ECQ) tungod sa nagpadayon nga pagsaka sa kaso sa Covid-19 sa Sugbo, Cebu Young Talent (CYT) mipasiugda sa online pageant nga gitawag og 'Mr. QuaranTEEN Ambassador 2020' alang sa mga batan-ong lalake nga nag-edad og 14 hangtod sa 17 anyos nga taga Sugbo.
Ang online pageant gihimo aron dunay kalingawan ang kadaghanan nga na-lockdown sa ilang panimalay tungod sa ECQ. Ang indigay mismo naa lang sa ilang tagsatagsa ka panimaly aron makuhaan ang ilang kalaay ug modaug og daghang premyo.
Nagsugod ang indigay niadtong Mayo 3, ning tuiga ug gipailaila ang opisyal nga kandidato sa indigay nga sila si Lance Sebastian gikan sa Lapu-Lapu City; Sam Panonce sa Lahug, Cebu City; Bran Caballes sa Guadalupe, Cebu City: Bryan Acuna sa Naga City, Cebu; Nate Dela Cruz sa Argao; Brylle Canada sa Naga; Nicolais Buante sa Liloan, ug Kenji Ministero sa Cebu City. Dunay nagkalainlain exposure ang mga kandidato sa indigay sama sa introduction ug statement niadtong Mayo 5; casual and sports wear niadtong Mayo 8; question and
answer sa Mayo 12 ug awarding sa Mayo 13 nga dunay kauban nga pakulo sa online.
Ang mga exposure ug segment sa pageant tanan buhaton samtang naka-stay at home. Atangi kon unsay mahitabo sa question and answer sa mga batan-on nga pagahimuon sa nagkalainlaing personalidad sama sa public officials ug mga artista sa official Facebook page sa Cebu Young Talent.
Ang mga mananaug makadawat og cash prizes ug gift
packs gikan sa sponsors. Busa, atangi ang talagsaong indigay sa kaambongan ug kalantip sa pangutok sa mga piniliang batan-on sa Sugbo.