PBA: 1 ka conference karong tuiga posibli na

Nagpabilin nga malaumon si PBA commissioner Willie Marcial nga masalbar pa ang ika-45 nga season karong tuiga pinaagi sa posibling pagpahigayon og usa ka conference.

Kini basi sa mga kalambuan nga tibuok palibot sa kalibutan. Lakip nga napanid-an ni Marcial mao ang mga sports activities sa Taiwan ug South Korea nga susama usab sa plano sa US ug sa Europe nga sa di madugay mopabalik na unya sa mga duwa.

“A handful of NBA teams are opening practice facilities, and it could well lead to resumption of the NBA season. Major League Baseball is looking at reopening shop in July. Football in Europe is about to resume. All these make me hopeful we can resume our Season 45,” matod ni Marcial.

Sa samang higayon, gihangop ni Marcial ang desisyon sa gobiyerno niadtong Martes nga lugwayan pa ang pagsunod sa mga restrictions sa pipila ka mga dapit sa nasod tungod sa Covid-19 pandemic. Alang kaniya mao gyud kini ang angay buhaton aron kalikayan ang kadaot sa panglawas.

Iyang gipanghinaot nga makontrolar na unta ang coronavirus diseases ug maoy mahimong agianan nga makabalik na ang mga sports activities sama sa PBA.

“The board decision is to wait until August. Medyo matagal pa yon. Hopefully, by that time, medyo okay na, and allowed na ang gathering for a sports event, like the PBA,” matod niya.

Niadtong Martes, si Presidente Rodrigo Duterte miaprobar sa sugyot nga ipaubos ang Metro Manila, Laguna province ug Cebu City sa modified enhanced communituy quarantine hangtod sa Mayo 31.

Ubos niini, istriktuhon ang pagkontrol ang mga barangay diin kadtong mopalit og pagkaon ug ubang mga kinahanglanano ug ingon man kon dunay emerhensiya ang tugotan lang sa makagawas.

Ang pagsul-ob og mask hugot usab ipasunod ug ang social distancing.

“I’m kind of expected that kasi marami pa rin cases of infection. I’m also endorsing wearing facemask and social distancing. It’s the new normal or new life for us until there’s a vaccine,” matod ni Marcial.