15 LGUs gitagalan og lima ka adlaw sa DWSD 7

Dunay 15 ka local government units (LGUs) sa Central Visayas (CV) ang wala mahuman sa ilang pagpanghatag sa ayuda ubos sa social amelioration program (SAP) hangtod sa tagal niadtong Mayo 10, gitugotan sa pagtiwas niini apan sulod lang sa lima ka adlaw human sa tagal o kutob ning adlawa, Mayo 16.

Ang Department of Social Welfare and Development-Central Visayas (DSWD) 7 maoy nihatag sa pagtugot. Mao kini hinungdan nga daghang barangay ang nagpadayon sa pagpanghagtag sa ayuda sa mga miaging adlaw.

Kini ang mosunod nga LGUs: Cebu City, Mandaue City, Tagbilaran City ug Maribojoc sa Bohol; Dumaguete City sa Negros Oriental; Carcar City, Minglanilla, San Fernando, Bogo City, Talisay City, Dalaguete, Balamban, Pinamungajan, Toledo City, ujg Badian sa Cebu province.

"Di sad ko gusto nga modrag sila og patuyang. So, if ever naay mga unpaid, we will tell them nga hangtod Sabado, Dominggo and we'll see what will happen after Sunday," matod ni Shalaine

Lucero, DSWD 7 assistant regional director.

Apan ang Department of Interior and Local Government (DILG) nipahibalo na niadtong Huwebes, Mayo 14, nga 'for allegedly committing infractions in the distribution of government's cash aid under its Sap', lima ka LGUs sa CV ang isyuhan og show cause orders (SCO.)

Ang DILG wala mobutyag sa mga naasoy nga LGUs.

Si Lucero niasoy sa SunStar Cebu nga ang tanang nahatag hangtod sa Biyernes, Mayo 15, nikabat ba og dili mominos P5.7 bilyunes ang nahatag nga 90 percent sa kinatibuk-ang budget nga P6.3 bilyunes Sap fund alang sa CV.