Puro babaye

Dear Noy Kulas,

Just call me Dan, 29 years old. Naa na koy live-in karon ug duna mi us aka buok anak. Puro mi nagtrabaho sa akong live-in ug maayo ra ang among income.

Karon kay quarantine lagi ta dinhi sa Cebu, naay gipapuyo ang akong partner nga usa ka babaye nga iya kunong distant cousin. Gwapa ning bayhana ug sexy unya swabe kaayo manglihok ba. Kon di pa lang ig-agaw sa akong partner, nindot unta suwayan og pamangka sa laing ilog.

Pero sayop ko sa akong pagtuo nga babaye siya. Ka usa, akong naabtan nga nagdungan sila og kaligo sa akong live-in. Na shock ko ug na shock silang duha nga akong naabtan kay niuli ko gikan sa work kay naglain ang akong lawas. Gipalabay ra to nako adtong February.

Karon kay ako na gyud silang nakit-an nga nagtsula og maayo sa likod sa among gipuy-an pero wa sila kahibawo. Maayo kaayo modala og lamba ang distant cousin kuno sa akong partner. Naputol ilang romance kay ako kunohay gitawag ang akong partner.

Noy, unsa kaha ni silang duha, uyab ni sila? Kinsa may girl nila, ang akong live-in o kining iyang gipatuo nga cousin? Mauwaw ko mo-confront kay wa ko kahibawo unsaon nako og sulti ang akong partner. Please advice me what to do.

DAN

Dan,

Pag-estorya mo sa gawas aron kon magkinaunsa, di mo magkaaway didto sa inyong balay sa imong partner. Though duna kay right isip partner niya, but legally mahimo ka ra niyang biyaan kay di man mo kasado. Maayo untag bana ug asawa mong duha kay duna tulubagon.

Pangutan-a siya kon nganong iya ning nabuhat. Kanus-a sila nagsugod anang bayhana ug kinsa gyud na siya sa kinabuhi sa imong partner. Tugkara ang misteryo sa ilang relasyon aron makasabot ka ug makadesisyon ka kon panahon na bang biyaan mo ang imong kapuyo. Pabungata usab siya kon unsay iyang plano ug gustong mahitabo.

Kon okay ra mong duha after, time na tingali nga magpahigot mo sa kaminyuon human sa quarantine.

NOY KULAS