Judy Ann nag-birthday bisan naka-quarantine
Bisan naka-quarantine gisaulog sa atong reyna sa soap opera nga si Judy Ann Santos-Agoncillo ang iyang 42nd birthday.
Magpasalamat sad ko sa tanang greetings ug mga panghinaut nga akong nadawat sa Facebook ug instagram. Kay gawas kang James Reid, pareho sab kami og adlawng natawhan ni Juday.
Mapasalamaton si Juday nga nakauban niya ang iyang mga pamilya ug mga higala sa iyang adlawng natawhan bisan sa online lang ang uban.
Sa Instagram post ni Juday makita ang mga picture nga iyang gi-share sa iyang birthday. Iya usab gipasalamatan ang iyang anak nga si Yohan nga nangunay og buhat sa cake. Malipayon ang misis ni Ryan Agoncillo uban sa iyang tibuok pamilya.
Usa sa mga nabasahan nato nga ni-greet kaniya mao ang iyang best friend nga si Beth Tamayo nga may mga rebelasyon pa sa mga boys nga na-link sa atong birthday girl.
Dugay nang managhigala ang Beth ug ang Juday. Una silang nagkaila ug nagkatrabaho sa "That's Entertainment" pero nagkasuod sila dihang nagkauban sila sa teleseryeng "Esperanza."
Niadtong 90s daghang gibuhat nga proyekto si Juday ug anhing Rico Yan sa ABS-CBN diin usa niini ang "Gimik" ug may mga pelikula pa.
Kon wala ko masayop usa sa pinaka-blockbuster nga pelikula ni Juday ang "Paano Ang Puso Ko" kauban silang Rico Yan ug Wowie de Guzman. Mao ni ang panahon nga init kaayo ang labtim nilang Juday ug Wowie ug gani may mga hugon-hugon nga may relasyon ang duha.
Sa pamahayag pa ni Beth maora kini og mga batan-on nga nangita og adventure.
Nahimo lang seryoso dihang nisulod na sa eksena ang mister na karon ni Juday nga si Ryan Agoncillo.
Ako lang pangutana nganong wala man mahisgoti dinhi ang Piolo Pascual? Hmmm ngano kaha? Ay'g saba!