SINAS, 18 KA POLICE OFFICIALS GIKIHA
Mga kaso gipasaka batok sa 19 ka mga police official nga nakaplagang nakalapas sa quarantine protocol tungod sa pagsaulog sa birthday bisan gidili ang panagtapok.
Gipangkiha mao ang mosunod:
○ Maj Gen. Debold Sinas, director sa the National Capital Region Police Office
○ Brig. Gen Nicolas Bathan
○ Brig. Gen. Florendo Quibuyen
○ Brig. Gen. Florencio Ortilla
○ Brig. Gen. Gerry Galvan
○ Brig. Gen. Idelrandi Usana
○ Col. Eliseo Tanding
○ Col. Remus Medina
○ Col. Raul Tacaca
○ Col. Emmanuel Peralta
○ Col. Tomas Frias Jr.
○ Col. Rodel Pastor
○ Col. Ferdinand Ortega
○ Col. Manuel Abrugena
○ Lt. Col. Orlando Carag Jr.
○ Major Britz Sales
○ Major Epream Paguyod
○ Corporal Abdumer Bakil
○ Corporal Bernie Lazaga
Ang Philippine National Police Internal Affairs Office (PNPIAS) nipasaka sa mga kaso sa alas 4:16 p.m. sa Biyernes sa hapon, May0 15, 2020 sa Taguig City Prosecutor’s Office.
Sa ilang kiha, ang PNP-IAS niingon nga ang 19 ka police officers apil sa panagtapok mga alas 5 sa buntag sa Mayo 8, 2020 sa quarters ni Sinas sa Camp Bagong Diwa aron pagsaulog sa iyang birthday.
Napalgan nga ang mga pulis nakalapas sa City Ordinance No. 12 sa Taguig City, nga nagmando sa kanunay nga pagsul-og face masks sa publikong mga lugar ug Republic Act 11332 kun Mandatory Reporting of Notifiable Diseases and Health Events of Public Health Concern Act.
Mga hulagway nga gi-upload sa NCRPO Facebook page nagpakita sa mga opisyal nga wa magsul-ob sa face masks ug wa mag-obserbar sa social distancing nga kalapasan sa enhanced community quarantine (ECQ) protocol, matod sa kiha.
Si Sinas gilabhan sa social media human ang mga hulagway sa mañanita gi-upload sa Facebook account sa NCRPO.
Sa hulagway, si Sinas nakita nga nakadawat og mga rosas ug nihuyop sa birthday candles samtang ang iyang mga kauban nanag-awit og birthday song.
Gitangtang ang mga hulagway human ang NCRPO gilabhan online tungod sa paglapas sa balaud nga sila unta ang nagpatuman.