Agent ni James, Durant maoy moagak ni Sotto
Nakahimo na sab og laing dako nga lakang ang batan-ong higante nga si Kai Sotto alang sa iyang tinguha nga mahimong labing unang lumad nga Pinoy nga makaduwa sa National Basketball Association (NBA).
Kini human ang East West Private, nga maoy nagdumala sa career ni Sotto, mikuha sa gitawag og super agent sa NBA nga si Aaron Goodwin aron maoy representante sa 18 anyos ug 7'2" nga basketball sensation sa Pilipinas.
Ang East West Private (EWP) opisyal nga mianunsyo niini kagahapon (RP time).
"From the time Kai first arrived in the U.S. last April, we already knew that AG would be a perfect fit. We trust AG implicitly and look forward to a long lasting relationship," pamahayag ni EWP official Patty Scott sa interbyu sa Spin.ph.
Ang EWP-Goodwin usa ka panagtambayayong sa parehong inilang mga kampo nga nagtrabaho sa industriya sa paugnat sa kusog sulod na sa kapin sa usa ka dekada.
Sa kasabutan, ang EWP ug si Goodwin magtambayong aron maseguro nga mas molambo pa ang kapabilidad ni Sotto.
"We're not just building dreams here. We want to create a legacy that will see Kai becoming an NBA player, and ultimately, an All-Star," matod ni Maria Espaldon sa EWP.
Alang kang Goodwin, anaa kang Sotto ang mga hiyas aron mahimong usa ka magduduwa sa NBA ug nagkinahanglan lang kining magiyahan og in sakto.
"I am excited. Kai has all the tools unique for his size. He reminds me so much of Toni Kukoc. He plays inside-out, can pass, run the floor, and shoot 3s," matod ni Goodwin.
"If he plays center he can really revolutionize the position."
Matod ni Goodwin nga nasayod siya kabahin kang Sotto pinaagi sa EWP ug gikan niadto, hilom na siyang nagsunod niini.
"Kai has a potential to be a great player but the expectation is for him to transcend his sport and become a legacy player and a global ambassador,” dugang ni Goodwin. Ang paghiabot ni Goodwin maoy nakadugkat og grabe ka hayag nga paglaom alang sa pangandoy ni Sotto.
Si Sotto maoy representante sa daghang NBA superstars nga naglakip nila ni LeBron James, Kevin Durant, DeMar DeRozan, Chris Webber, Dwight Howard, Gary Payton ug Damian Lillard.