Black masaligon sa iyang anak
Wala pa man tuod nakapakita og aksyon ang iyang anak sa Philippine Basketball Association (PBA) apan nagtuo si Meralco Bolts coach Norman Black nga makasugakod na kini sa kalidad sa kombati sa professional rank.
Alang kang Black, mao na kini ang saktong panahon nga mokombati na si Aaron Black sa labing unang professional nga liga sa Asya,.
Matod ni Black nga kumbensido siya nga hinog na ang abilidad ni Aaron basi sa gipakitang duwa niini sa PBA D-League ug Maharlika Pilipinas Basketball League (MPBL).
"That's what really convinced me that he could move on to the next level," matod ni Black kabahin sa iyang anak.
"When I watched him in the D-League and I watched him in the MPBL, I felt he was ready for the pros already. I think there are certain things he does that I think would be very useful."
Si Aaron gipili sa Bolts isip No.18 overall pick sa miaging rookie draft sa PBA.
Hinuon, natanggong una ang pagduwa ni Aaron sa PBA sa pagkahunong sa mga duwa sa liga tungod sa hulga sa coronavirus disease 2019 (Covid-19).
Sa panahom ni Black, makatabang og dako si Aaron sa kampanya sa Bolts sa higayon nga mobalik na ang aksyon sa liga.
"I know my success with Chris Newsome and my success this past year with Bong Quinto had shown me the importance of having guys who can do more than one thing. Guys that can score the basketball, who can pass the basketball, who can rebound the basketball, guys that can give you a lot of flexibility because of their versatility, and I think Aaron brings that to the table," matod ni Black, kinsa nakabira na og 11 ka mga titulo isip usa ka coach lakip na niini dihang siya pa ang naggiya sa 1989 Grandslam champion.