PBA HINAYHINAY NA'NG MOBALIK
Nagkasabot ang mga opisyal sa Philippine Basketball Association (PBA) nga hinayhinay na silang mohimo og lakang alang sa pagbalik sa mga aksyon sa liga.
Labing una nilang buhaton mao ang kabahin sa pag-ensayo sa mga magduduwa aron mahibalik ang kondisyon niini.
Si Commissioner Willie Marcial, kinsa kanunay makigsabot ni league chairman Ricky Vargas, vice chairman Bobby Rosales ug sa ubang PBA Governors, nag-andam na sa mga lagda nga ilang ipasunod alang sa pagbalik sa liga taliwala sa padayong hulga sa coronavirus disease 2019 (Covid-19).
"Unti-unting balik sa normal ang plano ng gobyerno, at yun din naman ang tinitignan ng PBA. First is the set of guidelines for the return to practice. Under the general community quarantine, allowed na ang gathering ng small group, so baka naman pwede na rin mag-work out ang team ng four or five players per session," matod ni Marcial nga napatik sa www.pba.ph.
"Pero bago gamitin ng teams natin ang mga practice venues nila, we have to make sure those places are disinfected, at lahat ng equipment na hahawakan ng mga players natin ay disinfected din."
Nidugang si Marcial nga kinahanglan nga ang tanang mga magduduwa ipaagi sa Covid testing.
"It's to make sure that we have a clean bubble, and we have to protect that bubble," pasabot ni Marcial.
Ubay-ubay na sab nga mga nasod sama sa South Korea, Taiwan, Germany ug United States ang hinayhinay nang ningpabalik sa ilang mga kompetisyon sa paugnat sa kusog.
"If the situation improves, leading to the lifting of restrictions by August, then we can resume play in September," matod ni Marcial.
Sa kasamtangan, usa pa lang ka duwa ang napahigayon sa PBA sa ilang 45th season.