Nabayot, gitraydor

Dear Noy Kulas,

Tawga lang ko og Angel. Lalake man ko kaniadto ug naa nay experience sa sex sa babaye kay gwapo ko ug macho kay pirme ko mag-gym. Sa gym ako nakaila si Mike nga sa akong unang expectation lalake, pero bayot diay. Pareho mi naa sa mid 30s. Puro mi single ug nagkasuod og maayo hangtod nga nisulti siya nako nga bayot siya ug love ko niya. Ambot ngano sab ko nga na-develop man akong feeling niya ug mao to, nagkauyag ug secret ming nag live in.

Gatuo na gyud ko nga kami nang duha forever kay love kaayo namo ang usag usa. Until nga ako siyang nasakpan nga dunay laing tulo ka uyab nga mga lalake nga iyang gidatungan. Nasakitan ko kay niabot na sa punto nga bayot na ko kay di na ko maibog og babaye. Siya na lang ang akong gi-love.

Para nako naguba na ang akong pagkatawo ug lisod nang ibalik. Unsa may akong buhaton, ako pa bang ipadayon ang among relasyon o di na lang? Nagkinahanglan ko sa imong tambag.

ANGEL

Angel,

Bitaw, sakit kaayo kay ang imong gibati tungod kay ang imong investment sa sitwasyon ninyo grabe. Gikan sa pagka lalake nahimo kang bayot, di kay silahis lang. Nag-expect ka pa nga kamo na forever tungod sa imong daku nga pagsalig kaniya. Ang pagkausab sa imong pagkatawo ngadto sa imong trust kaniya maoy double whammy hinungdan nga nasakitan kag maayo.

Get out from that relationship kay basin unsa pay padulngan nianang imong huna-huna. Sa di pa, estoryahe una ninyog maayo ang sitwasyon ninyong duha. Ipahilam-os una niya ang imong gibati ug unsay imo untang mga expectation sa inyong relasyon. Unsa pagkaguba sa imong pagkatawo sa iyang gibuhat sa inyong pagpuyo. Kon unsa ang naa sa imong dughan, unsay imong gibati, let it out. Hinaut pa unta nga mahigmata siya sa iyang gibuhat nga kasaypanan diha nimo.

NOY KULAS