ANCAJAS MIBALIK NA SA TRAINING
Nangandam na si International Boxing Federation (IBF) super flyweight champion Jerwin Ancajas sa iyang paglarga sa Amerika alang sa umaabot niining away.
Niadto pa untang Abril nakatakda ang away ni Ancajas batok kang Mexican Jonathan Rodriguez apan nauswag kini sa wala'y tino nga petsa gumikan sa pagkuyanap sa coronavirus disease 2019 (Covid-19).
Apan pa niini, si Ancajas wala molugak sa iyang ug padayon kining nagpakondisyon.
Ning bag-uhay lang, ang promoter ni Ancajas nga si Top Rank boss Bob Arum nipahimangno na kaniya nga mangandam na'g hinayhinay alang sa ilang paglarga.
Human sa duha ka mga buwan gikan sa pagkuyanap sa Covid-19, ang paugnat sa kusog sa Amerika hinayhinay nang mibalik.
“Naghihintay na lang kami ng go signal from Top Rank kelan kami aalis,” matod sa trainer/manag ni Ancajas nga si Joven Jimenez sa interbyu sa www.abs-cbnnews.com.
“Hinihintay na lang namin yung (US) flight and then alis na kami agad.”
Sa kasamtangan, gipahugtan na'g balik ni Ancajas ang iyang training sa Survival Camp sa Cavite samtang naghuwat sa ilang biya he paingon sa Amerika.
Si Ancajas mopadayon sa iyang training sa Top Rank gym sa Las Vegas.
“Doon na nila i-announce kung kelan ang laban. Gusto nila makarating kami bago i-confirm ang laban,” pasabot ni Jimenez.
Nasayod si Ancajas nga nangandam na sab ang kampo ni Rodriguez hinungdan nga nakatutok na sab siya sa iyang preparasyon.
“Naka-ready na rin sila, kaya todo handa rin kami,” dugang ni Jimenez.
Sa Las Vegas lang gihapon ipahigayon ang away apan labing seguro, wala'y mga tumatan-aw nga pasudlan sa venue aron makalikay sa dugang pagkuyanap sa Covid-19.
Nanghinaot ang duha ka mga kampo nga madayon na ning higayuna ang away, nga kaduha na sab nauswag tungod sa Covid-19.
Si Ancajas 28, adunay 32-12, 22KOs nga rekord samtang si Rodriguez, 24, naggunit og 21-1, 15KOs nga baraha.