NBA LEGEND POSITIBO SA CORONAVIRUS
Nahidangat sa ospital si National Basketball Association (NBA) legend Patrick Ewing human nasuta nga positibo kini sa makalilisang nga coronavirus disease 2019 (Covid-19).
Si Ewing, kinsa usa ka Hall of Famer ug kasamtangang head coach sa Georgetown University, nibutyag sa iyang kahimtang pinaagi sa Twitter.
Sa iyang mensahe, ang kanhi pambato sa New York Knicks nipahimangno sa katawhan nga magmaampingon gumikan kay usa ka delikado ng sakit ang Covid-19.
"I want to share that I have tested positive for Covid-19. This virus is serious and should not be taken lightly. I want to encourage everyone to stay safe and take care of yourselves and your loved ones," mensahe ni Ewing, kinsa nag-edad na og 57.
Gipadayag sab ni Ewing ang iyang dakong pasalamat ngadto sa mga naggalam kaniya sa ospital ug sa tanang frontliners. "Now more than ever, I want to thank healthcare workers and
everyone on the front lines. I'll be fine and we will all get through this," dugang ni Ewing.
Ang athletic department sa Georgetown namahayag nga naa sa maayong kahimtang si Ewing.
"Ewing was under care and isolated at a local hospital," pamahayag sa Georgetown. "He is the only member of the men's basketball program to have tested positive for the virus."
Si Ewing, kinsa miyembro sa 1992 Olympic gold medalwinner "Dream Team," nagduwa sa NBA sulod sa 17 ka mga tuig ug nahimong All-Star sulod sa 11 ka mga higayon.
Ang Knicks mibuhi og mensahe ngadto sa ilang kanhi pambatong sentro. "Get well soon, Big Fella. Stay strong," pamahayag sa Knicks. Gipili siya sa Knicks isip No. 1 overall pick niadtong 1985 human niya gipangulohan an Georgetown sa national championship. Nahimo siyang NBA Rookie of the Year niadtong 1986. Human siya miretiro sa NBA,
nahimong assistant coach si Ewing sa Georgetown sulod sa taas nga panahon una kin nahimong headcoach.