Professional career nausab resulta sa pandemic
Sa nagpadayon nga global Covid-19 pandemic nagdala kini og dakong kausaban niadtong nanarbaho sa travel industry nga nawad-an o nahunong sa trabaho.
Aron sab nga padayon nga mokita ang mga nanarbaho sa maong matang sa industriya ilabi na nga kasamtangan gihunong ang biyahe sa mga abyon sa nagkadaiyang bahin sa kalibutan, aniay pipila sa mga kausaban sa ilang career nga napatik sa Reuters Bangkok.
Sama nalang niining piloto nga gihulagway nga maginansiyahon nga matang sa trabaho apan daghan kanila ang nag-atubang og problema kay ubayubay sa mga airline companies ang gikatahong napugos sa pagpanaktak sa ilang mga kawani.
Piloto nahimong Grab drayber
Si Kosit Rattanasopon, 37, piloto ang usa sa apektado sa krisis sa dihang nawad-an og trabaho sa dihang ang airlines nga iyang kanhi gi-alagaran ang nasira.
Maayo nalang kay nakapundar si Rattanasopon og Ducati
Multistrada nga motorsiklo nga maoy iyang gigamit isip sa Grab delivery rider.
Ang kanhi piloto maoy tig-deliver sa boxed meals / packed meals nga gihimo sa iyang pamilya ngadto sa ilang mga tagsa-tagsa ka mga kustomer.
“I know things will not be the same again for at least another year, so I will have to keep doing this,” matod pa sa maong rider.
Samtang ang cabin crew o flight stewardess ang kasamtangan nga nagchange career kinsa apektado sab sa quarantine period.
Ang 36 anyos nga si Thawanan Thawornphatworakul, kinsa usa cabin crew ug karon iyang gihimong parlor ang atubangan sa ilang balay nga nag-offer og haircut ngadto sa iyang mga silingan.
Bisang og gamay ang kita basta kanunay maoy baruganan ni Thawanan, natala sa World of Buzz. /