Globe E-skwela livestreaming bag-ong normal sa edukasyon

Uban sa education sector sa pakigbisog batok sa Covid-19 pandemic, ang mga tunghaan ug ubang learning institutions nakasandig kaayo karo sa digital platforms isip resulta sa physical distancing measures.

Samtang, ang uban migamit sa ilang naandang digital learning tools ug techniques, apan ang pagtuki sa mga pagduhaduha ug kaepektibo niini

nagpadayon.

Sa tumong nga paghatag og kahayag sa mga pagtuki diha sa pagbinayloay og maayong ideya ug malampusong kasinatian, ang Globe myBusiness mopahigayon karon sa iyang unang E-skwela Online Learning Sessions, Martes, Mayo 26, alas 10:00 sa buntag pinaagi sa livestream sa official Globe myBusiness Facebook page.

Ang webinar gitumong sa basic education teachers, higher education professionals, faculty members, administrators, policymakers, ug parents bahin sa paggamit sa instructional tools for online learning, ug technologies sa pagpalambo sa pagtuon.

Ang pagtuki bahinon sa duha ka topiko ug dunay panel nga gilangkoban sa nagunang industry practitioners.

Sa unang topic, Symbol Fabellon ug Winnie Diola, Education Technology Coordinators ug mga magtutudlo sa De La Salle-Santiago Zobel School, mopasabot sa Google Classroom ug Google Productivity Tools.

Sa pikas bahin, sila si Diana Ilishera Go, usa ka Instructional Designer gikan sa De La Salle-College of Saint Benilde motutok sa paggamit sa instructional design sa paghimo sa content for online learning.

Globe myBusiness’ Education Industry Lead ug Learning Technologies Scholar Mark Arthur Payumo Abalos moapil sa panel sa pagkutay sa gipaambit sa pagtuki.

Sa dugang kasayoran sa Globe E-skwela online learning sessions ug ubang kalihokan, bisita sa www.facebook.com/ globemybusiness.