OFWs tugotan nga makauli: Duterte

Si Presidente Rodrigo Duterte niawhag na usab sa local government officials nga tugtan nga makauli ang overseas Filipino workers (OFW) samtang iya silang gipahinumdoman nga ang kagamhanan lang ang mahimong makadili.

Matod ni Duterte nga dunay 24,000 ka mga OFW nga stranded sa quarantine centers sa Metro Manila.

Dunay 302 dugang OFW nga umaabotay ug laing 62,000 nga moabot kon ang mga airport buksan na, matod sa Presidente, nga nikutlo kang Labor Secretary Silvestre Bello III.

“‘Pag hindi nyo tinanggap yan, magkagulo tayo, ang Pilipinas,” matod ni Duterte sa usa ka tigom tali sa piniling mga opisyal sa kagamhanan sa Lunes sa gabii, Mayo 25.

Matod ni Duterte nga ang mga OFW nga nawagtangan og mga trabaho tungod sa coronavirus disease (Covid-19) nangatanggong sa Metro Manila kay wa sila tugoting makauli sa ilang local governments.

“In their desire to protect their respective turf or territories, I can say if that is the way they would handle it like a chieftain of a city or province during a pandemic time, okay 'yan. Pero alam mo hindi naman lahat talaga nagkasakit (not everybody is sick) and it is very cruel actually to deny them to go home,” siya nidugang.

Si Department of the Interior and Local Government (DILG) Secretary Eduardo Año niingon nga ang tanang 24,000 ka mga OFW nga stranded sa Metro Manila negatibo sa Covid-19.

Sayo pa, si Duterte nimando sa paggamit sa tanang assets sa kagamhanan sa pagpapauli sa tanang mga OFW sa ilang tagsa-tagsa ka mga dapit.

Niadtong Lunes, iyang gimando ang LGUs sa pagdawat sa manguli nga OFWs.

“You know, I'm ordering you to accept them, open the gates of your territories and allow the Filipino to travel wherever they want,” matod sa Presidente. Iyang gitataw nga ang nasudnon lang nga kagamhanan ang makapatuman og restrictions sa pagbiyahe kay kini lang ang makadeklarar nga dunay emergency sa nasudnong interest.

“(So) as not to confuse people, you are not allowed to unilaterally declare na ganito - you are closing the egress and ingress ng tao. Mahirap ‘yan, magkagulo tayo,” matod niya.

“If you want a measure to be implemented in your LGU, ask permission from the task force,” dugang ni Duterte, nga nagtumbok sa Inter-Agency Task Force for the Management of Emerging Infectious Diseases.