Sen. Gordon gisaway nga way batasan
Nag-trend sa Twitter ang pangan ni Senador Dick Gordon tungod sa gipakita niining taras sa GMA-7 news anchor nga si Connie Sison sa live telecast sa Unang Hirit gahapon sa buntag, Mayo 26.
Si Gordon ang chairman ug chief executive officer sa Philippine Red Cross, usa ka non-government organization nga motabang sa gobyerno.
Giingong gipangutana ni Connie ang senador tungod sa kadaghang miping-it sa kamahal sa presyo sa ilang testing kit nga mokabat sa P4,500. Apan giklaro ni Gordon nga P3,500 ra ang ilang singil kada PCR testing nga maoy mokumpirmar kon duna bay Covid ang pasyente.
Gipangutana ni Connie ang senador kon duna bay paagi aron mas madali ang proseso ug dili na kinahanglan pa sa mga OFW nga moadto og PhilHealth aron magpa-reimburse sa gastos.
Apan ang tubag ni Gordon nga dili tiaw ang ilang trabaho kay 24 ka barko ang sak-on sa Philippine Coast Guards nga maoy motabang sa swab tests alang sa "33,000" repatriated OFWs/seamen.
Apan dihang niingon si Connie nga katapusang pangutana na lang, giingong dinhi nisinta si Gordon kay maorag wala kuno maminaw si Connie sa iyang mga tubag.
"Can you listen to me, please? Kasi parang hindi ka nakikinig. I'm sorry, but I have
to be very frank," masuk-anong nagkanayon ang senador.
Matod ni Gordon nga dapat masabtan sa mga tawo nganong mahal ang ilang testing kit kay bisan ang China mahal kaayo ang singil nila. “Gusto nila pag bumili ka ng isang machine ngayon, bibili ka ng 20,000 to 30,000 test kits. Magkano isa, 15 dollars to 18 dollars. Multiply niyo. Milyunmilyong dolar na 'yan."
Matod ni Connie: "Sir, this is the reason why we're actually getting your side, para mas maplantsa..."
Ang giingong pinasingkang tubag ni Dick, "There is no side! Excuse me, there is no side!"
Apan si Connie matod pa kalma ra gihapon bisan pa sa “pambabastos” ni Gordon niya. "Okay. At least your opinion on this. Kasi eto ho ang tanong din ng ating mga kababayan, Sir."
Si Gordon giingong niangkon nga nasuko siya nga ikumpara sa "high speed test" ang ilang gibuhat.
"Alright, Senator. Naku, magandang umaga naman ho naman sa inyo," matod pa ni Connie nga gitubag sa iritableng si Gordon nga, "Hindi! Pagod na kami!"
Dihang nagpasalamat ug nanamilit na si Connie, ang pinasingkang tubag sa senador “sige.” Reaksyon pa sa netizen, "You can't really learn and buy respect!" Duna say mga niingon nga “unprofessional” ug “defensive” ang Gordon. /