MAYWEATHER NAG-PARTY SA NIGHT CLUB
Daw wa kini nanumbaling sa social distancing rule
Daw wala panumbalinga ni boxing legend Floyd Mayweather Jr. ang lagda sa social distancing sa gitampusisokang night club party.
Ang 43 anyos nga retiradong boksidor nakit-an sa International Boutique Nightclub sa Arizona niadtong Dominggo (RP time) diin gatusan ka mga tawo ang naa sulod sa venue.
Ang nakaalarma, wala'y bisan usa ka tawo sulod sa mang night club ang nagsul-ob og gloves o face masks taliwala sa padayong hulga sa coronavirus disease 2 019 (Covid-19).
Nakita sa camera si Mayweather nga nagsayawsayaw sa iyang pribadong VIP section nga adunay mga kauban.
Usa ka INTL ang nag-post sa iyang Instagram page nga adunay caption: "@floydmayweather in the building."
Usa ka boxing fan ang nikomentaryo nga "Floyd Mayweather in Scottsdale Arizona last night... I guess Covid-19 over for Az." Matod pa sa TMZ, ag 1996 Olympic bronze medallist mitambong na og laing party sa sayo pa sa samang adlaw.
Sa Arizona, pipila na ka coronavirus restrictions ang gilibkas niadtong Mayo 12, 2020 apan giklaro n Governor Doug Ducey nga padayong gidid-an nga mangabli ang bars ug night clubs.
Gitugtan lang sa Arizona nga makabalik sa ilang operasyon ang restaurants, barbershops ug salons apan adunay mga lagda nga kinahanglang tumanon alang sa kaluwasan sa ilang mga costumer ug uban pang nangahilambigit.
Ning pagsuwat, ang Arizona gikatahong adunay 16, 039 ka mga kaso sa Covid-19 diin 799 ang nangamatay.
Taliwala niini, nakaako ra gihapon si Mayweather nga makighugoyhugoy kauban ang daghang mga tawo nga wala'y proteksyon sa kaugalingon batok sa Covid-19.
Dili pa lang dugay, gipadayag na ni Mayweather nga pinal na ang iyang desisyon nga dili mobalik sa pag-away taliwala.
Apan bisan niini, padayon ang hugonhugon nga mobalik ra gihapon og away ang wala'y pildeng boksidor.
Usa sa mga posibleng away nga mapahigayon kon mobalik si Mayweather mao ang rematch nila ni Filipino boxing icon Manny Pacquiao.
Ang Pambansang Kamao ng Pilipinas dayag sa iyang intensyon nga makabawos kang Mayweather.
Sa premiro nilang away niadtong 2015, midaog si Mayweather pinaagi sa unanimous decision.
Apan gipasabot ni Pacquiao human sa away nga nakasinati siya'g angol sa iyang tuo nga abaga sa tungatungang bahin sa away. /