‘ANG IMPORTANTE NAAY GUGMA’
Excitement ang gibati sa manag-uyab nga Rommel Vincent “RV” Enriquez ug Mary June “MJ” Villasawa pipila ka buwan samtang naghinangat ang adlaw sa ilang kasal.
Gitakda unta kini niadtong Mayo 28, 2020 sa Cebu Archdiocesan Shrine of Saint Pedro Calungsod sud sa Archbishop's Palace.
Apan tungod sa pagkatap sa Covid-19 dinhi sa siyudad sa Sugbo, kini na-postponed.
Sa unang adlaw pa lang sa pagpatuman sa enhanced community quarantine sa Cebu City sugod niadtong Marso 28, gilauman na nila ni RV ug MJ nga mauswag ang ilang kasal kay nagkadaghan ang mga kaso sa Covid-19 dinhi sa siyudad ug estrikto usab gipatuman ang border controls.
Di makabiyahe ang mga ginikanan ni MJ paingon dinhi sa Sugbo nga tua nanimuyo sa Guihulngan City sa Negros
Oriental, ang yuta nga natawhan sa bride-to-be.
“Naguol gyud mi and for me it was depressing for few weeks, kay we thought 2020 is the best year for us to get married,” paambit ni MJ.
Niadtong Pebrero pa lang, andam na ang duha alang sa labing dako ug espesyal nga panghitabo sa ilang kinabuhi.
Apan ang kaguol, nahupayan sa kalipay tungod kay sa samang petsa sa ilang kasal nadawat nila ang blessing gikan sa simbahang Katoliko pinaagi sa pag-ampo nga gihalad ni Padre Jonathan Rubin alang nilang duha sud sa chapel sa San Carlos Seminary dinhi sa siyudad.
“During the blessing, we felt the presence of God. There was something that fill in between us. Nindot kaayo ang feeling mura pud mig gikasal! Unta kasal nalang to,” saysay ni MJ. “The Covid-19 pandemic has taught us several positive things. It made us realized that dream marriage is always way more important than dream wedding. It is more intimate and practical.”
Sa blessing, way nahitabo nga paggunitay sa kamot ug paghawok kay hugot nila gituman ang physical distancing samtang naa sud sa balaang lugar. “To all engaged couples who postponed their weddings this year, we pray for you! It will be realized soon. Ang importante naay gugma!” dugang pa ni MJ.