WBA title gustong bawion ni Thurman
Nagtinguha si American Keith Thurman nga bawion niya ang iyang World Boxing Association (WBA) welterweight title gikan kang Filipino boxing icon Manny Pacquiao.
Ning panahon sa quarantine nunot sa hulga sa coronavirus disease 2019 (Covid-19), si Thurman nagbalikbalik na sa paghagit sa Pambansang Kamao ng Pilipinas nga magaway sila og balik.
Si Thurman, 31, gilupig ni Pacquiao, 41, sa premiro nilang away pinaagi sa split decision niadtong Hulyo, 2019.
"I want my belt back,” matod ni Thurman sa interbyu sa ESPN. “Deep down, there's still a part of me that wants to grab my belt back against Pacquiao).”
Ang kapildihan maoy labing unang naangkon ni Thurman, kinsa midakin-as sa 29-1, 22KOs nga rekord.
Giangkon ni Thurman nga nagtinguha sab siyang makigharong kang Errol Spence Jr., kinsa maoy tag-iya sa welterweight versions sa World Boxing Council (WBC) ug International Boxing Federation (IBF).
“Ultimately, I saw a big clash between Spence and me leading into a year like 2020. I always saw a big fight happening,” matod n Thurman.
Apan iyang gitataw nga kon adunay oportunidad, mas ipalabi niya ang pagpakig-away og balik kang Pacquiao.
Giangkon ni Thurman ang iyang kapildihan sa premiro nilang away diin natumba siya sa 1st round pa lang.
Matod ni Thurman nga kon wala pa siya natumba, dako unta ang poruhan nga malupig niya ang fighting senator sa Pilipinas.
“It was a close one,” asoy ni Thurman. “It's easier to beat yourself up over a close loss than a real loss. If you beat me, you beat me in my face, and it's not an easy task to do.”