Kahugpongan sa hotel, resorts, restaurants mosagop sa lagda sa GCQ

Ang Hotel, Resort, Restaurant Association of Cebu (HRRAC) nagkanayon nga mosunod sa guidelines sa Cebu City Government ning panahon sa general community quarantine (GCQ).

Si Carlo Suarez, presidente sa HRRAC, niingon nga motahod sila sa rules and regulations sa siyudad ug mopadayon sa bag-ong normal set-up.

Matod ni Suarez, sila dunay bag-ong programs ug projects sa pagkuha sa domestic market sa pag-abot sa panahon nga hingpit nang makaabli sa operasyon karong Septiyembre.

Apan pipila ka hotels sa Sugbo ang ninghunong una sa ilang operasyon tungod sa kakuwang sa kustomer. "They are hesitant to still continue operations because the available market is very limited," matod ni Suarez. Ubos sa GCQ, ang hotels pwede na makaabli apan kadto lang kasamtangang bookings sa foreigners sa Mayo 1, guests nga dunay long-term bookings, repatriated Overseas Filipino Workers (OFWs), stranded foreign nationals, non-OFWs nga gipaubos sa mandatory facility-based quarantine, ug frontline healthcare workers ug ubang employees sa national government.

Ang mall moabli na sab karon apan depende sa hukom sa tagdumala.

Sa airlines, Philippine Airlines, nipahibalo na nga mobalik na unta sa ilang operasyon karon apan gipugngan sa ahensiya sa kagamhanan.

"We look forward to an immediate resolution on the issues raised by LGUs and we shall await the IATF's approval of the PAL Group's plans to restart domestic services. We hope that consensus will be reached among all stakeholders so that we can soon serve the flight needs of the public," sumala sa pamahayag sa PAL.

"Consequently, airlines are hereby advised to cancel their flights on June 1, 2020 and to stop selling tickets for the said date," dason sa pamahayag sa PAL.

Ang Cebu Pacific, sa ilang bahin, mobalik sa Hunyo 2, Martes.