Liloan mipasiugda og painting competition sa mga Sugbuanon

Padayon ang pagpangdawat karon sa mga tampo alang sa Liloan Art Thrive: Painting Competition pinaagi sa electronic (email) submission sa artworks.

Ang deadline karong Hunyo 8, Lunes.

Ubos kini sa pagpasiugda sa lokal nga kagamhanan sa lungsod sa Liloan nga abli sa tanang Sugbuanon aron paghatag og laing pamaagi sa paghatag og paglaum sa mga tawo sa pagwala sa kalaay uban sa kahago sa hunahuna tungod sa kabalaka sa Covid-19 pandemic.

Sa pagkakaron, ang malaumon nga reaksiyon sa mga tawo nga mahiligon sa pagdibuho nga gikan sa lalawigan sa Sugbo.

Si Mayor Maria Christina Garcia Frasco mapasalamaton sa halapad nga suporta sa proyekto nga naghatag og paglaum sa mga pamilya ning panahon nga nag-atubang sa dakong hagit.

Ang kompetisyon gitumong sa pagpakita sa pagkamaantuson, disiplinado, kaisog ug kahiusahan sa mga Sugbuanon nga gibasihan sa tema nga 'Sugboanon: Gugma ug Paglaum.'

MAKAAPIL

Ang kompetisyon abli sa tanang Sugbunanon, Filipino citizenship nga kasamtangang nagpuyo sa mga siyudad ug dakbayan sa Sugbo, ug 13 anyos pataas. Libre ang pag-apil.

Dunay duha ka kategoriya sa pag-apil: Professional ug Non-professional.

LAGDA

1. Ang mosunod nga medium mahimong magamit sa artwork: oil, acrylic, o mixed media.

2. Ang artwork kinahanglan mabutang sa stretch-framed canvas uban sa minimum dimensions nga 20 inches by 24 inches ug maximum dimensions nga dili molapas og 40 inches by 48 inches.

3. Matag artist makasumiter og usa (1) lang ka tampo.

SUBMISSION

1. 'Like' sa Liloan Art in the Park Facebook Page.

2. Register ug send sa imong tampo pinaagi sa pagpadala sa private message sa Liloan Art in the Park Facebook Page pinaagi sa pagbutang sa mosunod:

A. Information sa artist sama sa ngalan, edad, kompletong address, mobile number, email, category: (professional o non-professional).

Ipadala kini uban sa valid ID nga nagpakita sa edad, citizenship, ug pinuy-anan sa Sugbo. Ulahing profile photo sa artist.

B. Information sa artwork sama sa ulohan sa artwork, medium, dimensions ug

Artist’s statement/description of artwork.

Ipadala ang 4 colored photographs sa artwork gi-enhance digitally.

a. 1 full shot of the artwork by itself b. 1 close-up shot of the artwork c. 1 progressive shot of the artwork while painting is being done.

d. 1 photograph of the artwork with the artist beside it.

3. I-post photos sa imong artwork sa Facebook ug tag sa Liloan Art in the Part Facebook Page uban sa hashtags #LiloanArtThrive ug #SugbuanonGugmaugPaglaum

TAMPO

wala kini

1. Ang administrator sa Liloan Art in the Park Facebook Page mopahibalo sa artists sa shortlisted entries via Facebook Messenger karong Hunyo 9, 2020, ug mo-coordinate sa pick up sa actual work.

2. Mga ngalan sa shortlisted entries i-post sa Liloan Art in the Park Facebook Page.

PAGHUKOM

Usa ka panel of judges tigumon sa paghukom sa artworks uban sa mosunod nga criteria: Creativity and Originality, 20%;

Relevance to the Theme, 35%; Quality of Composition, 20%; ug Visual Execution 25%

Ang hukom sa mga hurado kinahanglan nga pinal na.

Ang mga mananaug ipahibalo karong Hunyo 12, 2020.

PREMYO

Kini ang mga mosunod nga premyo sa duha ka mga kategoriya.

Professional category: Grand prize - P25,000; Courage award - P20,000; ug Hope award - P15,000.

Non-professional category: Grand prize - P15,000; Courage award - P10,000; ug Hope award - P5,000.

Ang tanang ganti personally sponsored nila ni Congressman Duke Frasco ug Mayor Christina Frasco. Walay pundo nga gikuha gikan sa kagamhanan.