Star player sa Celtics nangulo sa protesta

Ang pambato sa Boston Celtics nga si Jaylen Brown maoy nangulo sa malinawon nga proteta didto sa Atlanta kalabot sa kamatayon sa Amerikanong negro nga si George Floyd.

Ang forward sa Celtics migahin og kapin sa 15 oras nga pagmaneho gikan sa Boston ngadto sa Atlanta aron lang magpadungog sa iyang mensahe alang ni Floyd, kinsa namatay nga ubos sa kustodiya sa tinugyanan sa balaod.

"It's a peaceful protest," matod ni Brown sa Instagram video."Being a celebrity, being an NBA player don't exclude me from no conversation at all. First and foremost, I'm a black man and I'm a member of this community, and I grew up on this soil," dugang niya.

Si Brown nagbitbit og karatula nga "a "I can't breathe," usa ka linyada nga maoy gibalik-libalik ni Floyd samtang gitudhkan ang liog niini ni police officer Derek Chauvin hangtod sa iyang kamatayon.

Laing NBA player Malcolm Brogdon ang misalmot usab sa maong protesta. Si Brogdon ug Brown pulos bise president sa NBA Players Association.

"Our voices need to be heard," daklit ni Brown. "I'm 23 years old. I don't know all the answers. But I feel how everybody else is feeling. For sure. No question."

Si Brown migamit og megaphone.

"No justice, No peace," tubag sa mga tawo nga nagpalibot kaniya.

Sa iyang tweet, si Brown mibutyag nga tulo ka mga nagprotesta ang nasaypan nga giaresto atol sa demonstrasyon.

Ang ubang NBA players sama nila ni Minnesota Timberwolves Josh Okogie ug Karl Anthony-Towns ang miapil usab og protesta sa ilang tagsatagsa ka komunidad.

Mao usab ang kanhi NBA player nga si Stephen Jackson kinsa amigo ni Floyd nga iyang tawgon og iyang kaluha.

Ang protesta kalabot sa kamatayon ni Floyd mikatap na karon sa nagkalainlaing estado sa Amerika.