JORDAN MISUPORTA SA MGA NIPROTESTA
Gipadayag ni basketball legend Michael Jordan ang iyang kaligutgot kabahin sa kontrobersyal nga kamatayon ni George Floyd, ang black American nga nakita sa usa ka video nga naglisod og ginhawa gumikan kay giludhan sa usa ka pulis ang iyang tangkugo.
Ang insidente, nga nahitabo sa Minneapolis, nakadugkat og bayolenteng mga protesta sa tibuok Amerika.
Matod ni Jordan nga miduyog siya sa kasubanan sa pamilyang Floyd ug sa ubang ningpanaw tungod sa racism.
“I am deeply saddened, truly pained and plain angry,” matod ni Jordan, usa ka Basketball Hall of Famer ug tag-iya sa Charlotte Hornets sa National Basketball Association (NBA).
“I stand with those who are calling out the ingrained racism and violence toward people of color in our country. We have had enough.” Nanggawas ang mga tawo sa daghang siyudad sa
Amerika ug bayelonteng nagprotesta sa kadalanan diin daghang mga sakyanan ang gipangsunog ug mga buak sa bildo. Gikahadlukan nga mas daghan pang bayolenteng mga protesta ang mapahigayon sa umaabot nga mga adlaw. Si Jordan, kinsa six-time National Basketball Association (NBA) ubos sa kampo sa Chicago Bulls, nanawagan sa katawhan nga ipakita ang kaluoy ug sempatiya ning brutal nga binuhatan.
“We need to continue peaceful expressions against injustice and demand accountability,” dugang ni Jordan. “Our unified voice needs to put pressure on our leaders to change our laws, or else we need to use our vote to create systemic change. Everyone of us needs to be part of the solution, and we must work together to ensure justice for all.”