P294M nga pasilidad sa Covid gitukod sa DPWH

Ang Department of Public Works and Highways-Central Visayas (DPWH) nagtinguha nga mahuman ang pagtukod sa P294 million nga balor sa 11 ka mga dormitoryo ug Covid-19 isolation facility projects sa Sugbo sa pagtapos sa Hulyo 2020.

Si Edgar Tabacon, DPWH 7 director, sa Huwebes Hulyo 9, niingon nga ang DPWH 7 nagpadayon sa pagtukod sa container van-type dormitories alang sa medical workers ug dugang isolation facilities alang sa mild symptomatic nga mga pasyente sa coronavirus disease (Covid-19) sa nagkadaiyang mga dapit sa Sugbo.

Base sa kopya sa listahan nga iyang gihatag sa Sunstar Cebu, ang mga proyekto naglakip sa padayong gitukod nga unom ka mga unit sa off-site dormitory alang sa medical personnel sa Cebu City Quarantine Center (CCQC) sa Block 27, corner M. Logarta Ave., Cebu City, ug duha ka units sa modified standard nga dunay budget sa P84 million.

“The LGUs (local government units) requested dormitory facilities for the health workers. We are constructing six units of which it can accommodate 96 health workers or 96 rooms,” siya nagkanayon.

Laing unit sa isolation facility sa mga pasyente sa Covid-19 sa Cebu City Medical Center (CCMC) nga dunay budget nga

P13 million. Tungod sa kakuwang sa lugar sa CCMC, siya niingon nga nasabutan kining ibalhin sa dapit sa CCQC.

Ang ikatulo ug ikaupat nga dapit, siya niingon nga mao ang duha ka mga pasilidad alang sa medical personnel nga balor og P28 million ug duha ka unit isolation facility sa Covid-19 patients balor og P26 million sa Hoops Dome sa Barangay Gunob

, Lapu-Lapu City.

Matod ni Tabacon nga ang mga dormitory ug isolation facility makapasulod og hangtod sa tag 32 ka mga tawo matag usa. Matag lawak air conditioned ug dunay comfort room.

Ang sunod mao ang duha ka units sa off-site dormitory/isolation facility nga balor og P26 million alang sa positive asymptomatic personnel sa DPWH 7 nga tukoron sa office compound sa South Road Properties.

Matod niya nga usa sa iyang kawani positibo sa Covid-19.

“We are preparing for it in case there are positive asymptomatic employees. We have a facility for them instead of going…We will be enclosing this facility and we will be constructing different entrances and exits for them,” siya niingon.

/ ALAN TANGCAWAN GIKAN SA PALAWAN: Mga 200 ka mananagat nga taga Olango, Dakbayan sa Lapu-Lapu nga gikan sa Palawan diin sila na-stranded, gisugat ni Mayor Junard "Ahong" Chan sa Sta. Rosa Wharf, diin sila gihiling sa City Health Department sa wa pa gidala sa isolation center sa Sabado, Hulyo 11, 2020.