Son Ye Jin bag-ong Smart endorser
Ang South Korean actress nga si Son Ye Jin kinsa naila sa iyang papel sa mga K-drama maoy “new face” sa Smart Signature, ang postpaid brand sa mobile services provider Smart Communications Inc. human gilusad ang “Simple, Smart Ako” campaign.
Si Son Ye Jin ang lead star sa Korean serye nga “Crash Landing On You” (Cloy).
Nipasabot ang senior vice president ug pangulo sa Consumer Wireless Business, Jane Basas, nga ang maong kampaniya naghatag og suporta sa ilang customers nga misalig sa Smart nga kahatagan og katagbawan sa ilang pagsubay sa K-dramas, stream K-pop hits ug ang kanunayng updated sa ilang K-idols diha online.
“More than this, we know Son Ye Jin embodies the Smart Signature brand as it simplifies the postpaid experience so customers can make their mark in their career or passion,” matod pa ni Basas.
Si Son Ye Jin nga mihangop sa Smart nga naghatag og agianan aron nga mapa-abot sa iyang mga Filipino fan ilabi na sa natad sa kalingawan ingon man ang paghatag og inspirasyon sa ilang kinabuhi.
“As an actress, I am always grateful for having a platform to entertain and touch the lives of others through my craft,” dason sa giila nga Queen of Melodramas nga si Son Ye Jin.
Ang Smart president, Alfredo Panlilio, nagkanayon nga ang “Simple, Smart Ako” naghatag og kahigayonan sa matag customer ug kasayon sa matag Pinoy nga matagamtaman ang Signature lifestyle.
Pinaagi sa Smart Signature ang subscribers maoy una nga makasinate sa new technology ug mobile innovation ingon man sa ilang labing uwahi nga digital content.
Sa labing uwahi nga gilusad nga 5G nga commercial service sa Smart nagpamatuod lang nga mohatag og katagbawon sa Smart users sa mas paspas nga data speeds gamit ang Smart 5G-certified devices ilabi na ngadto sa mga piniling lugar sa Smart 5G spots sa kaulohan.
Sa maong paagi, paspas na sab ang connections tali sa sakop sa pamilya, higala o ang paggamit online alang sa trabaho ug entertainment.