EDITOR SA ‘BULGAR’ MITINGOG NA
Gitataw sa tabloid nga Bulgar nga wa silay intensiyon nga gub-on ang dungog ni Miss Universe 2018 Catriona Gray.
Si Janice Navida, entertainment editor sa maong pamantalaan nga nagbase sa kaulohan, nagkanayon sigun sa giluwatang statement nga:
“I understand how you felt when this news came out.
“It’s a natural reaction of a person being destroyed helplessly, especially you’re holding the most prestigious title.
“But please consider to understand that we are here not to be your enemy but to help you clear your name ‘coz we know the feeling that you are being talked about behind your back and you have no way to defend yourself.”
Kini may kalabutan sa isyu mahitungod sa fake nude photo ni Catriona sa Facebook page sa Bulgar nga gi-post niadtong Hulyo 18 ug na-publish sa Hulyo 19, taho sa PEP.ph.
NAUWAWAN
Mikisikisi ang Filipino-Australian beauty queen sa maong taho nga iyang gihulagway nga “extensively offended” ug “blatantly shamed” sa gihimo sa Bulgar.
Mi-react sab si Catriona, 26, sa way basehanan nga inpormasyon ug sensationalized nga headline nga gigamit sa Bulgar mahitungod sa maong law-ay nga hulagway.
Base sa Facebook teaser sa maong tabloid article: «After ng bantang pasabog ni Clint... NUDE PHOTOS NI CATRIONA, KALAT NA! OMG!!! Basahin ang detalye sa INSIDER ni Melba Llanera bukas, Linggo. Bili na ng Bulgar para lagi kang updated!!”
Pinaagi sa abogado ni Catriona nga si Josabeth Alonso nipadala og demand letter pinitsahan niadtong Hulyo 30 sa reklamong cyber libel ug libel.
Nangayo og P10 milyones nga danyos ang kampo sa beauty queen ngadto sa Facebook page administrator sa Bulgar ug entertainment editor nga si Navida, ug sa writer niini nga si Melba Llanera.
“That is why when we learned that there’s this indecent topless photo that allegedly claims to be you, our intention is to inform the readers, not just you and your camp, that someone, or maybe a group of people, is doing this, spreading the obscene photo through online to destroy your name.
“It’s clearly stated there that ‘Kung sakaling totoo ito at hindi edited lang, ‘di na namin papangalanan pero tiyak na may ideya na ang ibang tao kung sino ang maaaring nasa likod ng paglalabas nito,’” kabahin sa suwat-tubag sa Bulgar.
Sumala pa sa maong publication nga ila sab nga gihimo ang ilang bahin aron nga dili mauwawan ang gipasanginlan, diin ang orihinal nga topless photo nga gipadala sa ilang buhatan, ilang gi-blur ang pribadong bahin sa lawas aron dili ladlad nga makit-an sa ilang readers sa dihang ilang gipagawas.
“I hope too that you may see our intention to help you in clearing your name to the whole universe that the nude photo circulating online is fake and edited only, that’s why when we learned about your clarification on the matter, we quickly posted your camp’s statement on our Facebook page and website to enlighten everybody about
that controversial photo,” sumpay sa statement ni Navida.
PUBLIC APOLOGY
Gitapos ni Navida ang ilang statement sa pagpangayo og pasaylo ngadto sa kampo ni Catriona. Atol niining pagsuwat wa pa niya personal nga madawat ang demand letter sa abogado pinitsahan niadtong Hulyo 30 kay wa pa siya mobalik sa ilang buhatan kay nipa-ubos sa 14 day quarantine. /