GAB mosuporta ni Abueva kon mausab ang batasan niini

Mipasalig ang Games and Amusements Board (GAB) nga ilang suportahan si Calvin Abueva sa higayon nga makompleto na niini ang mga gikinahanglan niyang buhaton aron malibkas ang iyang in definite suspension sa Philippine Basketball Associaton (PBA).

Nanghinaot si GAB chairman Baham Mitra nga usbon na ni Abueva ang iyang kinaiya sa higayon nga malibkas na ang iyang suspensyon.

Gipasabot ni Mitra nga dili angayang paundayunan ang pagdapat ni Abueva kang TNT import Terrence Jones ug pagpakig-away niini sa uyab ni Bobby Parks Jr. sa miaging tuig nga maoy hinungdan sa iyang pagkasuspenso.

“Sana mag-comply din siya. I-remind po natin ang mga players. Lahat may lisensya sa

GAB. We don’t want to overstep. We are here. We are watching you. Turning pro comes with responsibilities,” pasabot ni Mitra nga napatik sa www.pba.ph.

Ang PBA naghuwat na lang nga makompleto sa usa sa mga pambato sa Phoenix Pulse Fuel Masters ang psychological tests niini una mopagawas og desisyon.

Sa sayo pa, matod ni Abueva nga wa dayon kini niya nahikay tungod sa quarantine.

“As you know, you have observed his improper and unprofessional decorum in the games. You think he is worth being called a professional player? Nanakit na eh. Minsan unbecoming na of a professional player,” dugang ni Mitra.

“Ngayon, kung nadisiplina na, maybe he can present what steps and proper therapy sessions has he undergone. And then if he is able to convince the board, okay lang din sa amin. Pero na-observe namin na sumobra na talaga.”