2 ka opisyal sa Philhealth nang-leave

Duha ka tag-as nga mga opisyal sa Philippine Health Insurance Corporation (PhilHealth) nang-leave of

absence taliwa sa mga imbestigasyon sa giingong iregularidad sa ahensyang iya sa kagamhanan.

Si retired general Ricardo Morales, presidente ug chief executive officer, ug si Arnel de Jesus, senior vice president ug chief operating officer, nipahibawo sa Senado kalabot sa iyang kahimtang nga medical.

Ang Senate committee of the whole nakadawat sa ilang medical certificate nga nagkanayon nga si Morales gipailawom sa chemotherapy alang sa lymphoma ug siya immunocompromised.

“This is to certify that General Ricardo C. Morales, 67 year old male, is a diagnosed case of Diffuse Large B cell Lymphoma, and is currently undergoing chemotherapy at Cardinal Santos Medical Center,” matod sa certification nga gipirmahan sa doktor ni Morales.

Kini nidugang nga si Morales gitambagan sa pagpailawom og unom ka cycles sa

pagtambal busa siya “immunocompromised and vulnerable to opportunistic infections.”

“It is therefore in his best interest that I have advised him to take a leave of absence. He shall undergo a repeat PET CT scan after completing 6 cycles of chemotherapy. After which I shall make a recommendation when he can resume to work,” dugang sa certification.

Si De Jesus, sa iyang bahin, nisuwat kang Senate President Senate President Vicente Sotto III, ug niingon nga di siya makatambong sa Senate hearing nga gitakda karong Martes, Agusto 11.

“I deeply regret to inform you that I will not be able to attend the Senate hearing to discuss and tackle resolutions on the alleged rampant corruption, incompetence, and inefficiency in PhilHealth,” siya niingon. Siya nisaad nga motambong kon maayo na ang iyang panglawas.