Kinsa ang naghatag sa pangan?

Gipaambit ni Ermeela Piodos nga kuwangan og usa ka buwan si Erhl Rodney dihang kini iyang gihimugso sa miaging tuig. Dihang siya nagsabak sa bata, paborito niya mokaon og ice cream nga rocky road ang flavor. Ang iyang mga igsuon nga sila si Erlinda Piodos-Fernandez, maguwang ug Eredita Piodos, manghod, ang naghatag sa mga pangan sa bata. Si Erlinda sa Erhl samtang si Eredita sa Rodney. Ang unang duha ka letra kay tugma usab sa unang duha ka letra sa pangan nila ni Rogelio ug Ermeela. Si Erhl Rodney ang ikaupat nga anak ni Ermeela nga naglakip nila ni DJ Peter Paul, 20; Douglas Jefferson, 18; ug Ashin Rain, 10. Pangandoy ni Ermeela nga sama sa mga maguwang, magdako si Erhl nga matinahuron, manggihatagon, paraygon, ug mahigugmaon