Mga bombero sa siyudad sa Sugbo miyukbo sa nangakalas sa Lebanon

SuperBalita Cebu - - BALITA -

Mga namatay nga bombero sa nasod sa Lebanon human sa pagbuto sa mga eksplusibo sud sa dakong bodega, gihatagan og pagyukbo sa Cebu City Fire Station (CCFS) kagahapon, Agusto 9.

Si Fire Chief Insp. Josephus Alburo, city fire marshal sa CCFS, nimando ngadto sa tanang sub-fire station commanders sa pagpatingo­g sa ilang sirens sa firetrucks isip simbolo sa paghatag og katapusan nga pagsaludo sa kaubanang fire fighters sa Lebanon.

Untop alas 12 sa udto, ang tanang sub-fire stations sa siyudad mipalanog sa ilang mga siren sa tanang fire trucks.

Lakip na ang mga barangay fire brigade misimpatiy­a sa maong katapusan nga paghatag og pagsaludo sa mga bomberong Lebanese nga miresponde atol sa mibusikad nga bodega didto sa Lebanon.

Matod ni SFO2 Wendel Villanueva, tigpamaba sa CCFS, ang paghatag og tribute sa mga namatay nga bomberong Lebanese usa kini ka mahinungda­non tungod sa gipakita nga kabayaniha­n sa ilang trabaho.

Ang mga bomberong Lebanese miresponde sa dapit kon diin dunay mibusikad nga mga bomba sa usa ka bodega didto sa Lebanon apan lakip sila nga nangamatay.

Samtang atol sa mubo nga programa sa gihimong tribute sa mga sakop sa bombero sa

Sugbo didto sa Parian Fire Station, si Alburo nipahimang­no sa iyang mga sakop nga panahon sa pagtubag sa sunog mag-amping kanunay.

Dugang ni Alburo nga sa panahon sa pagtubag sa sunog labing unang tumong sa bombero ang pagpalong dayon sa miulbo nga kayo apan kinahangla­ng anaa kanunay sa luwas ang kaugalingo­n sa dili pa makigkumba­te sa pagpalong sa kayo sa girespondi­han nga alarma.

/ BENJIE T. TALISIC

■ MIDUY0G SA KASUB-ANAN: Ang mga bombero sa dakbayan sa Sugbo diha sa ilang headquarte­r sa Barangay Parian, siyudad sa Sugbo nihimo og hamubong programa sa pagduyog sa kasub-anan sa mga bombero ug ubang nangamatay sa pagbuto sa dakong bodega sa eksplusibo sa puwerto sa dakbayan sa Beirut, nasod sa Lebanon sa miaging semana. Ang mga bombero mihalad og pag-ampo nga nag-atubang sa silangang bahin sa kalibotan takdo alas 12:00 sa udto kagahapon, Agusto 9, uban sa pagdungan og tingog sa siren sa tanang fire stations sa dakbayan.

Newspapers in Cebuano

Newspapers from Philippines

© PressReader. All rights reserved.