Gins mawad-an og sixth man
Kinahanglang magkat-on ang Brgy. Ginebra Gin Kings nga magdasig sa ilang kaugalingon nga wala ang ilang lunod-patay nga mga sumosunod sa higayon nga mobalik na ang aksyon sa Philippine Basketball Association (PBA).
Ang PBA nangandam na’g maayo alang sa pagbalik sa ilang aksyon apan labing seguro, wala pa’y mga tawo nga patan-awon sulod sa venue isip paglikay sa coronavirus disease 2019 (Covid-19).
Kon wala’y mga tumatan-aw, dako kini ang epekto alang sa crowd-favorite Gin Kings nga kinahanglan nilang pangandaman.
“It’s going to be a big adjustment for us. We’re going to have to realize that there are certain things that we won’t be able to do or rely on without the fans there,” matod ni Ginebra coach Tim Cone.
“We’re going to have to learn how to kick ourselves in the gear and not rely on the fans to get us in the gear. Play big moments without the fans. Those things are going to be a part of it and things that we would discuss if we get back together and go.”